114r - - - - - Second gect
Quand tu as bien moulé la premiere partye de l’animal, qui est
le dos et eschine et toute la partye de dessus, et que len le
demy moule où elle est enserrée a fait prise et est assés
endurcy,
Figure
descouvre toute la partie de dessoubs & du costé du
ventre, # tantost avecq un costeau & tanto aulx endroicts plus
espés & puys avecq un trancheplume où sont encloses les parties
plus subtiles comme les pattes, la queue & semblables choses, et
pource que la teste est plus haulte il te la fauldra aussy rechercher
& descouvrir plus profond et y fayre une plus profonde coche
qui doibt bien estre en despouille. C’est a dire s’eslargissant par le
dehors affin que le second molle que tu gecteras dessus puisse bien
sortir. A quoy peult ayder l’animal mesme, qui preste et obeist estant
naturel. Touteffois ad sois plus curieulx à descouvrir la gorge
du lesard que du serpent, car le lesard a de grosses machoueres
& de gros os qui ne prestent pas, et a les oreilles creuses où le
sable destrempé entrant n’est pas aff aysé a despouiller. Mays tu
obviera a tout cela si tu descouvres la moitié de la teste et des
choses que tu cognois n’estre pas bien en despouille. Estant le tout
bien descouvert, soufle dessus & ressuicts chasque partie l’essuyant
avec de petites sayetes de poil de pourceau legerement mouillées
par le bout avec un peu de salive ou deau claire à mesure que tu dissous, affin que ton la partie
inferieure de ton animal descouverte soict bien nette.# 🝋 Ce faict,
trempe le rev ton moule l’espace d’un pater noster ton moule dans l’eau,
non pas du le costé descouvert mays l’opposite & le revers de la
chose descouverte. Et c’est affin que sucçans l’eau interieurement l’huile duquel
tu oindras aprés l’aultre costé pour eviter ne s’emboive poinct,
ains demeure sur la superficie & empesche que le second gect
que tu gectera dessus ne s’attaque poinct. Ayant doncq ainsy
trempé le revers de ton moule dans l’eau, prens un pinceau particulierement
dedié à cecy & en oings avecq iceluy oings d’huile toute la face
du moule, excepté l’animal auquel il ne fault aulcunement toucher
d’huile, & advise de resuivre bien & oindre avec la poincte du pinceau
entre les parties & par toutes les parties subtilles. Et si par cas fortuit
l’huile s’embevoit, trempe le mo revers du moule, comme dict est, dans
l’eau & tu verras retourner l’huile sur la superficie à petites goutes.
at left top margin
Fais des petits animales comme des
grands, excepté qu’il te fault
faire des poinctes delicates de fil
de cist cordes de cistre, de longues & courtes.
at left top margin
Figure
Retire avecq tes
petites tenailles
plattes toutes
tes poinctes.
at left top margin
# Et
puys+tantost avecq
at left bottom margin
#
Toutesfois, laisse
la poincte de la
gorge affin qu’elle
te soict indice pour
retrouver la teste,
qui est plus enfoncée
que nulle aultre
partie, à cause
qu’en faisant le
plant tu l’as
disposée plus
haulte. C’est aussy
au droict de la
teste que tu doibs
faire la plus
grande coche &
commancer par
icelle à descouvrir
et suivre le reste par la trasse des poinctes.
at left bottom margin
#
Et si quelque bout
d’ongle de paste
ou de queue ou d’aultre
chose subtile se
separoit du moule,
mets y entre deulx
un petit grain de
cire, & avecq la
poincte d’un fil de
fer chault, conjoints
le, puys adapte
ton moule avecq un
costeau & y fais
des coches par
les costés affin
que l’aultre
moictié s’y lie.🝋
Figure
[continued]