048r - - - - - Fondeur
La chaulde
Figure
Pour un four a fondre grande quantite de metal
Guerir les chiens de la
galle
Donne leur une pilulle de præcipite scavoir iii ou 4 ou jusques
a cinq grains mesle parmy leur viande Et leur en ayant
donne une une sepmaine Donne leur en un aultre sept ou huict
jours apres
Excellente moustarde
Fais seicher du pain au four puys le larde de girofle & Canelle
& ainsy mects le tremper dans de bon vin Puys passe tout
par lestamine estant bien pile & lincorpore avecq ta graine
de moustarde
Garder oiseaulx et
animaulx
Escorche les
Prens la mesure de leur corps qui est charnu & le plus
subgect a putrefaction avecq de la toille que tu coupperas
de leur grandeur & grosseur et layant cou remplye de cotton
& cousue Escorche les oiseaulx Laissant neantmoings la teste
le col les aisles & les pieds aulx oiseaulx & la teste les cuisses
& pieds & queue aulx animaulx a cause que facillement cela se
deseiche puys adapte ceste peau sur lae to moule faict de
toile Les petits se sechent au four ou acoustrent avecq sel
armoniac &
LMH —16.06.2014