p055v - - - - - [continued]
de quinze jours. Aprés tu la romperas de bien loings
& avecq un long baston sans le regarder & estant bien
bouché en poseras où tu vouldras, ou en frotteras un
pau dans une riviere courante ou un abre ou herbe
qui soict au bort.
Aultre pour les eaulx
Tuaparc nad nu top avecq chaulx vive qui consumera
tout ceste pouldre aprés & @
Acier de damas
Distille des lumbris à part & de la foeille de
reforts à part & mesle ces deulx eaulx aultant
d’une que d’aultre & là dedans trempe.
Pour congnoistre le chemin qu’on
faict en plaine mer
Trempes un ferlin dans de l’huile, puys l’attaches à la
pouppe du navire, de sorte qu’il trempe dans l’eau & il fera
une voye qui se monstrera de dix lieux pource que l’eau
se depart par où l’huile a passé.
Pour gect
La croye la plus recentement tirée de sa pierrerer est bonne pour
le plomb. Mays il ne la fault point mouiller ne broyer, ains subtilier
en pilant ou raclant et passer par un tamis. Ainsy de la ponce, qu’il
ne fault point broyer avecq eau ne corrompre de son naturel. Le plomb
doibt estre peu meslé d’estain pour seulement luy donner force, et deulx
pars destain sur de plomb sur de une d’estain ou plus.