45r - - - - - Charger arquebus de dragee
Figure
Il fault faire un tuyau de buys long comme la largeur de 4
ou 5 doigts qui soict justement creuse selon la bouche de ton canon
de la forme representee par D A Puys ayant taille du papier
de la fort comme de grands livres imprimes de la forme de D large
aultant que tu vouldras faire longue une cartuche Entourne le
papier aultour du baston B & au bout ou la poincte F se retrouvera
replie tout aultour ledict papier et & ta cartuche sera formee
Mays pour mieulx unir son fonds remects la dans le tuyau A puys
mects dans icelle le baston B Et par laultre bout du tuyau qui est
marque G mects le baston C & frappe pour apiler & acacher le bout
replye de ta cartuche puys oste la & la charge en ceste mects trois
ou 4 drageons ou larmes Puys avecq un portepiece marque E
qui soict du qualibre de ton arquebus ou pistole frappe des pieces
rondes sur de la carte ou feultre ou toile ciree Et mects ceste
piece ronde dans ta cartuche et la pousse jusques sur les drageons
avecq le baston B apres daultres drageons 3 ou 4 puys une piece
ronde Et fays ainsy jusques a ce que la cartuche soict plene puys
la mects dans ton arquebus Si tu veulx que ta dragee sescarte bien tost
fais les pieces rondes de papier Si tu veux quelle porte plus loing
sans sescarter fais la piece de carte si tu veulx encores plus loing
fais la piece ronde de toile ciree On bien de cuir ou feultre
& par dessus une piece de toile ciree Et si tu fais la cartuche
mesme de toile ciree ou papier cire il portera cent pas & fera
grande faulcee & la dragee ne sescartant gueres fera ouverture
Mays si tu fais ta cartuche de toile ciree ou matiere plus forte
que de papier il ne la fault pas faire si longue du carre venant a
la pointe comme D Car cest asses quelle fasse deux tours # En ceste
sorte la dragee ne sescarte gueres & faict grande faulce contre une
porte corps de cuirasse et aultres
at left bottom margin
# comme DH