170r - - - - - [continued]
de parfum & semblable. Mays advise qu’il fault que
la cire noire dont tu moules soict dure affin que brusquement & du plus
à sec, elle se retire pour voir si elle est bien empraincte. Elle
se rend plus dure, y adjoustant plus de soufre fondu dans icelle
fondue, & un peu de rousine.
Medailles courantes
On faict les poinçons de relief d’acier non trempé, puys
on le trampe & avecq ceulx cy on frappe sur des matrices non rougies
au foeu, comme quelques ungs pensent, mays sur du fer
acerré, recuit & adoulcy, qu’on trampe aprés.
Gect
Ne gectes pas à coup, car en ce faisant le metal se regorge & en
& le metal se refroidist plustost qu’aller bas. Mays gecte peu
à peu & à l’aise.
Crampons
Quand tu les remects la seconde foys, asseure bien le moule,
qu’il ne s’esbranle point.
Moules
Ceulx de noyau, en recuisant, veulent estre posés sur les charbons
un peu passés, sans que l’air les touche, comme les moules à chassis
veulent estre recu deseichés à l’air & à descouvert.
Ouvrages espés d’estain
Il ne veulent pas estre gectés de plomb ou estain rouge comme les
choses tanvres & subtiles. C’est assés qu’il soict f bien fondu & chault.
Les choses tanvres veulent estre bien chauldes & d’estain rouge.
Nettoyer moules clos
Il les fault laisser froidir plustost que soufler dedans pour les
nettoyer, car estant chaults ilz retiennent la cendre. Estant froids, ilz
se nettoyent mieulx. Ayes un fil delié de letton ou paille subtile pour nettoyer
la queue parfaictement, car c’est celle qui faict le gect. Soufle en dedans & suppe
attirant à toy. Engrossis plustost que mouler la queue avecq de la cire, puys couppe la
Figure
at left top margin
Figure
& raporte & soulde une queue de fil de letton par souldure. Les grumeleures d’une fleur c’est peu
de chose car cella se peult oster avecq le chaple, mays que les foeuilles viennent bien puys la paincture
couvre tout.