170r - - - - - [continued]
de parfum & semblable Mays advise quil fault que
la cire noire dont tu moules soict dure affin que brusquement & du plus
a sec elle se retire pour voir si elle est bien empraincte Elle
se rend plus dure y adjoustant plus de soufre fondu dans icelle
fondue & un peu de rousine
Medailles courantes
On faict les poincons de relief dacier non trempe puys
on le trampe & avecq cy on frappe sur des matrices non rougies
au foeu comme quelques ungs pensent Mays sur du fer
acerre recuit & adoulcy quon trampe apres
Gect
Ne gectes pas a coup car en ce faisant le metal se regorge & en
& le metal se refroidist plustost qualler bas Mays gecte peu
a peu & a laise
Crampons
Quand tu les remects la seconde foys asseure bien le moule
quil ne sesbranle point
Moules
Ceulx de noyau en recuisant veulent estre poses sur les charbons
un peu passes sans que lair les touche comme les moules a chassis
veulent estre recu deseicher a lair & a descouvert
Ouvrages espes destain
Il ne veulent pas estre gectes de plomb ou estain rouge comme les
choses tanvres & subtiles cest asses quil soict f bien fondu & chault
Les choses tanvres veulent estre bien chauldes & destain rouge
Nettoyer moules clos
Il les fault laisser froidir plustost que soufler dedans pour les
nettoyer car estant chaults ilz retiennent la cendre Estant froids ilz
se nettoyent mieulx Ayes un fil delie de letton ou paille subtile pour nettoyer
la queue parfaictement car cest celle qui faict le gect Soufle en dedans & suppe
attirant a toy Engrossis plustost que mouler la queue avecq de la cire puys couppe la
Figure
at left top margin
Figure
& raporte & soulde une queue de fil de letton par souldure Les grumeleures dune fleur cest peu
de chose car cella se peult oster avecq le chaple mays que les foeuilles viennent bien puys la paincture
couvre tout