169v - - - - - Mouler fort tanvre
comme font les bimbalotiers
Ils moulent en papier & carton, car ne la terre, sable
ou metal ne mouleroient pas si net, & ne recepvroient
pas. Ou bien ilz gravent en pierre d’Istre le principal
endroit, & le revers est de papier ou carton.
Reduire une figure ronde
en cave
Il te la fault premierement mouler avecq du plastre, comme dict
est cy devant, & dans le plastre y gecter en cire, de laquelle
il te viendra un relief que tu repareras bien net, et l’ebsbaucheras
à ta fantasie. Et puys tu mouleras ce relief de cire encores
dans du plastre, ou pour mieulx avecq ton sable destrempé #
comme pour noyau, & dans yceluy gectes y du plomb, &
d’iceluy tu auras un relief bien net, & s’il ne l’est repares
le sur le ciment ou aultrement, & prens garde qu’il soict tousjours bien en despouille.
Et cestuy cy te servira tousjours de modelle pour fayre
tant de caves qu’il te playra, en ceste sorte. Pose la moictié de ta figure
de plomb, huilée & mouillée d’eau de vye selon que dessus, dans la plaste
d’ardile, puys moule ceste moictié avecq du plastre blanc. Ayant faict prise,
Aprés et ayant bien uny & aplani le plastre, ayes ta cire noire meslée de soufre comme dict est, pource que
elle ne laisse rien dans le moule & se fond plustost. Trempe la
dans de l’urine chaulde, & y estant assés ramollie fays en
empraincte sur la moictié de la figure de plomb, et elle tu
auras le cave bien net. Adapte aprés le cave de cire en
forme quarrée comme il te playra avecq suffisante espesseur,
& la fais bien unie de touts costés, & ainsy aprés
moule ceste cire cavée & empraincte d’une part & platte
& unie de l’aultre, en la mesme façon que tu moules les
medailles plattes de cire ou aultre metal en noyau.
Et le moule en noyau te rendra en argent ou tel
metal qu’il te playra la m une figure semblable
à la cire, c’est à dire platte & unie d’un costé & en cave
de l’aultre. Et ayant nettoyé ce cave & mis au blanchement,
s’il est dargent tu y pourras mesler des ouvrages de sucre.
at left top margin
#
ayant faict un trou dans la
plaste dardille
& y ayant en
entassé la moyctié
de la figure
de cire un peu
huilee pour
mieulx la
retirer
at left middle margin
La cire transparente
nest pas bonne, ains
celle qui ha corps,
pour bien fayre
emprainte.
Figure at left bottom margin
at left bottom margin
Comme tu as
moulé avecq plastre
& cire une
moictié, tu peulx
mouler laultre
de mesme.
[continued]