169v - - - - - Mouler fort tanvre
comme font les bimbalotiers
Ils moulent en papier & carton car ne la terre sable
ou metal ne mouleroient pas si net & ne recepvroient
pas Ou bien ilz gravent en pierre dIstre le principal
endroit & le revers est de papier ou carton
@ Reduire une figure ronde
en cave
Il te la fault premierement mouler avecq du plastre comme dict
est cy devant & dans le plastre y gecter en cire delaquelle
il te viendra un relief que tu repareras bien net et lebsbaucheras
a ta fantasie Et puys tu mouleras ce relief de cire encores
dans du plastre ou pour mieulx avecq ton sable destrempe #
comme pour noyau & dans yceluy gectes y du plomb &
diceluy tu auras un relief bien net & sil ne lest repares
le sur le ciment ou aultrement & prens garde quil soict tousjours bien en despouille
Et cestuy cy te servira tousjours de modelle pour fayre
tant de caves quil te playra En ceste sorte Pose la moictie de ta figure
de plomb huilee & mouillee deau de vye selon que dessus dans la plaste
dardile puys moule ceste moictie avecq du plastre blanc Ayant faict prise
Apres et ayant bien uny & aplani le plastre ayes ta cire noire meslee de soufre comme dict est pourceque
elle ne laisse rien dans le moule & se fond plustost Trempe la
dans de lurine chaulde & y estant asses ramollie fays en
empraincte sur la moictie de la figure de plomb Et elle tu
auras le cave bien net Adapte apres le cave de cire en
forme quarree comme il te playra avecq suffisante espesseur
& la fais bien unie de touts costes & ainsy apres
moule ceste cire cavee & empraincte dune part & platte
& unie de laultre en la mesme facon que tu moules les
medailles plattes de cire ou aultre metal en noyau
Et le moule en noyau te rendra en argent ou tel
metal quil te playra la m une figure semblable
a la cire cest a dire platte & unie dun coste & en cave
de laultre Et ayant nettoye ce cave & mis au blanchement
sil est dargent tu y pourras mesler des ouvrages de sucre
at left top margin
#
ayant faict un trou dans la
plaste dardille
& y ayant en
entasse la moyctie
de la figure
de cire un peu
huilee pour
mieulx la
retirer
at left middle margin
La cire transparente
nest pas bonne ains
celle qui ha corps
pour bien fayre
emprainte
Figure at left bottom margin
at left bottom margin
Comme tu as
moule avecq plastre
& cire une
moictie tu peulx
mouler laultre
de mesme
[continued]