168v - - - - - [continued]
G. Mortier à oreille posé avecq sa cheville.
H. Sies à cousteau pour coupper, si besoing est, une
sarrasine.
I. Les grands chevilles de fer qui traversent & attachent
le mortier.
K ce sont communes chevilles de fer toutes rondes & revestues de
toile comme tout le reste, pour faire tourner les grands
chevilles de fer percées pres du bouton.
L. Haches qu’il fault tousjours porter pour achever de
rompre, si par cas fortuit le mortier avoit laissé quelque
chose entier.
M. Un gros mail de bois pour enfoncer ce que par les
sies ou birons auroict esté commancé & affoibly.
N. Sont grands taraires & virons de faiseur de roues
pour couper doulcement une porte ou fenestre en faisant de
grands trous pres l’ung de l’autre.
O. Potences de la haulteur d’un homme qu’il fault porter
pour mectre soubs une sarrasine incontinent que le mortier
a donné & empescher que la sarrasine ne tombe.
P. Sont petites tenailles de fer pour mectre quelque mortier
bas au droit du verroil ou vertuelle de la porte.