167v - - - - - [continued]
Ceulx de 27 lb ou environ ont ix pousses de long
& six de gueule en diametre. À la culasse ilz ont vi lignes
d’espés & 3 à la gueule. Ceux de 17 lbont en longueur
8 poulsses & cinq de gueule. On les couvre touls ensemble,
toutes les fourchettes & chevilles & houtils de quoy on se
sert, avecq de grosse toile ou gros drap affin qu’il ne
fassent point de bruict. Ils est bon qu’ilz demeurent
quelque temps chargés. Aprés qu’on y a mis la pouldre,
on l’apille bien fort et puys on y mect du papier acaché,
puys une tourtelle de cire bien apillée, & sur la cire une
aultre platene de liege qui entre bien justement & avecq
force. En ceste sorte la pouldre demeure bien sellée &
donne de plus grande impetuosité, & si tu veulx tu peulx
mectre sur la platene de liege une de bois percée au
milieu si le mortier est percé par la culasse, qu’on tient
estre le plus aisé & qui faict plus de faulcée pource qu’il
ne peult reculer. Et pour ceulx cy qui ont la culasse
percée, il fault avoir un bon guimbelet pour faire
premierement le trou affin que la cheville, qui est faicte
en par la pointe en guimbelet, aye plustost & sans bruit
attaché le mortier. Et a pour ceulx cy il fault garnir
le bouton, qui soict bien uniment limé, p de toile cirée
ou y adjouster de la cire, affin qu’il estouppe justement
le trou de la culasse. Mays pource que quelques foys
les portes sont ferrées & que la cheville de fer ne se
peult percer, on use d’une fourchette de fer faicte
en tenaille & d’une aultre verge q de fer faicte par le
bout à trois griffes, comme tu voys depainct. Et en ceste
sorte le mortier se tient bien & est incontinent posé.
Les chevilles de fer doivent exceder le mortier de toute
la poincte, qui est faicte en guimbelet, sçavoir de trois
ou 4 doitgs qui entre tout ldans la porte. Quand les
mortiers sont posés, on remplist la lumiere de bon pulverin,
et s on y mect un tuyau de plume remply de pouldre
acachée & mouillée avecq vinaigre, ou pour un besoing
on acache dans le creux de la main de la pouldre &, l’ayant
destrempée avecq de la salive, on en faict comme un cocon ou
[continued]