167v - - - - - [continued]
Ceulx de 27 lb ou environ ont ix pousses de long
& six de gueule en diametre A la culasse ilz ont vi lignes
despes & 3 a la gueule Ceux de 17 lb ont en longueur
8 poulsses & cinq de gueule On les couvre touls ensemble
toutes les fourchettes & chevilles & houtils de quoy on se
sert avelq de grosse toile ou gros drap affin quil ne
fassent point de bruict Ils est bon quilz demeurent
quelque temps charges Apres quon y a mis la pouldre
on la pille bien fort et puys on y mect du papier acache
puys une tourtelle de cire bien apillee & sur la cire une
aultre platene de liege qui entre bien justement & avelq
force En ceste sorte la pouldre demeure bien sellee &
donne de plus grande impetuosite & si tu veulx tu peulx
mectre sur la platene de liege une de bois percee au
milieu si le mortier est percee par la culasse quon tient
estre le plus aise & qui faict plus de faulcee pourcequil
ne peult reculer Et pour ceulx cy qui ont la culasse
percee il fault avoir un bon guimbelet pour faire
premierement le trou affin que la cheville qui est faicte
en par la pointe en guimbelet aye plustost & sans bruit
attache le mortier Et a pour ceulx cy il fault garnir
le bouton qui soict bien uniment lime p de toile ciree
ou y adjouster de la cire affin quil estouppe justement
le trou de la culasse Mays pourceque quelques foys
les portes sont ferrees & que la cheville de fer ne se
peult percer On use dune fourchette de fer faicte
en tenaille & dune aultre verge q de fer faicte par le
bout a trois griffes comme tu voys depainct Et en ceste
sorte le mortier se tient bien & est incontinent pose
Les chevilles de fer doivent exceder le mortier de toute
la poincte qui est faicte en guimbelet scavoir de trois
ou 4 doitgs qui entre tout ldans la porte Quand les
mortiers sont poses on remplist la lumiere de bon pulverin
Et s on y mect un tuyau de plume remply de pouldre
acachee & mouillee avelq vinaigre ou pour un besoing
on acache dans le creux de la main de la pouldre & layant
destrempee avelq de la salive on en faict comme un cocon ou
[continued]