167r - - - - - Mortiers
Figure
Les mortiers se font de la meilleure ligue de metal & de fine rosette
qu’on peult, affin qu’ilz ne crevent poinct, sçavoir d’une partye de metal
& deulx de rosette fine ou vieulx chauldron, qui est encores mieulx.
Les uns sont de quinze ou dixsept lb & ch se chargent de deulx lb
& demye de bonne pouldre grenée, & sont pour apliquer aulx fenestres
& portes communes. Aultres sont du poix de 25 à 27 lb et se
chargent de 4 lb de pouldre. Aultres de 45 lb poisant & se
chargent de huict lb de pouldre. Et ainsy se forment selon l’effort
qu’ilz ont affayre. Il sont par dehors touts d’une venue, mays par
dedans ilz sont faicts comme un crusol,
Figure
plus estroicts au dedans
de la culasse & allant en eslargissant vers la gueule. Et c’est pour
leur donner force à la culasse, à cause de la quantité de pouldre
qu’ilz tiennent, & qu’ilz ne se crevent poinct.
Ceux de 45 lb ont huict lignes d’espesseur à la culasse & viennent
par dedans en diminuant jusques à la gueule, qui est de 4 lignes. Ils
ont xiii poulsses de long & sept de diamettre en la gueule & ouverture.
[continued]