167r - - - - - Mortiers
Figure
@ Les mortiers se font de la meilleure ligue de metal & de fine rosette
quon peult affin quilz ne crevent poinct scavoir dune partye de metal
& deulx de rosette fine ou vieulx chauldron qui est encores mieulx
Les uns sont de quinze ou dixsept lb. & ch se chargent de deulx lb
& demye de bonne pouldre grenee & sont pour apliquer aulx fenestres
& portes communes Aultres sont du poix de 25 a 27 lb et se
chargent de 4 lb de pouldre Aultres de 45 lb poisant & se
chargent de huict lb de pouldre Et ainsy se forment selon leffort
quilz ont affayre Il sont pardehors touts dune venue Mays par
dedans ilz sont faicts comme un crusol Figure
de la culasse & allant en eslargissant vers la gueule Et cest pour
leur donner force a la culasse a cause de la quantite de pouldre
quilz tiennent & quilz ne se crevent poinct On leurs donne a la culasse
Ceux de 45 lb ont huict lignes despesseur a la culasse & viennent
par dedans en diminuant jusques a la gueule qui est de 4 lignes Ils
ont xii poulsses de long & sept de diamettre en la gueule & ouverture
[continued]