165v - - - - - Plant d’animaulx
Non seulement avec les poinctes de fer mays avecq de la
cire fondue, les animaulx s’asseurent sur la plaste de terre.
Laves les premierement en eau claire, estant morts dans la mixtion
de vinaigre & urine,
& avecq une esponge
repurge leur la gueule,
les yeulx
et la
teste de
la bave
qui en
sort,
car
jamays
le sable
n’y prendroit
bien, et
viendroit
grumeleux.
at left top margin
Si tu leur veulx fayre tenir
la bouche ouverte,
mects y un petit
bout de corde
d’espinette, qui ne
tiendra point de
lieu.
Gardes animaulx
Si les ayant moulés une foys, tu les veulx garder
pour les mouler dadvantage, remects les dans ceste
mixtion d’urine, vinaigre & eau de vye, où tu as
faict mourir les aultres, et il s’y gardera fort
long temps sans se gaster. Si tu as quelque entameure en
la main, gardes bien que ceste mixtion n’y touche.
Moules
Estant moulés, ne les garde pas long temps, ains les
employe u le plustot que tu pourras, pource qu’estant
long temps gardés, ilz sont subgects à se corrompre.
at left middle margin
Quand ilz sont
recuits, la chose
y vient mieulx.
Luth
A la recuite tu peulx bien employer le luth commun. Mays
quand tu vouldras gecter, despouilles en le moule & promptement
avecq une broisse couche le luth de plastre qui ha
servy aulx moules, car il sera sec en se posant, &
gecte. Il fault principallement mectre ce luth sur les
joinctures.
Argent
Quand il sautille, estant fondu, c’est signe qu’il est
bien chault, & pource que communement il est plombeux,
il est bon d’i gecter du mortier de chaulx, car cella
attire & amasse le plomb.
Aisle de mousche
Affin qu’elles viennent mieulx, mects despuys le gect
jusques aulx bout d’icelles des filons de cire. Fais
aussy que soubs le ventre il y aye assés de cire,
car c’est ce qui faict le gect.
Figure at left middle margin
Raporter quelque aisle
de mousche ou semblable
Elle se
raporte avecq colle de poisson
destrempée avecq eau de vye sur foeu lent, faisant aussy
chaufer l’ouvrage. Puys cela se couvre avecq de la cire
à esbaucher qui soit grise.