165v - - - - - Plant danimaulx
Non seulement avec les poinctes de fer Mays avecq de la
cire fondue les animaulx sasseurent sur la plaste de terre
@Laves les premierement en eau claire estant morts dans la mixtion
de vinaigre & urine
& avecq une esponge
repurge leur la gueule
les yeulx
et la
teste de
la bave
qui en
sort
car
jamays
le sable
ny prendroit
bien et
viendroit
grumeleux
at left top margin
Si tu leur veulx fayre tenir
la bouche ouverte
mects y un petit
bout de corde
despinette qui ne
tiendra point de
lieu
Gardes animaulx
Si les ayant moules une foys tu les veulx garder
pour les mouler dadvantage remects les dans ceste
mixtion durine vinaigre & eau de vye ou tu as
faict mourir les aultres Et il sy gardera fort
long temps sans se gaster @ Si tu as quelque entameure en
la main gardes bien que ceste mixtion ny touche
Moules
Estant moules ne les garde pas long temps Ains les
employe u le plustot que tu pourras pourcequestant
long temps gardes ilz sont subgects a se corrompre
at left middle margin
Quand ilz sont
recuits la chose
y vient mieulx
Luth
A la recuite tu peulx bien employer le luth commun Mays
quand tu vouldras gecter despouilles en le moule & promptement
avecq une broisse couche le luth de plastre qui ha
servy aulx moules car il sera sec en se posant &
gecte Il fault principallement mectre ce luth sur les
joinctures
Argent
Quand il sautille estant fondu cest signe quil est
bien chault & pourceque communement il est plombeux
il est bon di gecter du mortier de chaulx car cella
attire & amasse le plomb
Aisle de mousche
Affin quelles viennent mieulx mects despuys le gect
jusques aulx bout dicelles des filons de cire fais
aussy que soubs le ventre il y aye asses de cire
car cest ce qui faict le gect
Figure at left middle margin
Raporter quelque aisle
de mousche ou semblable
Elle se
raporte avecq colle de poisson
destrempee avecq eau de vye sur foeu lent faisant aussy
chaufer louvrage puys cela se couvre avecq de la cire
a esbaucher qui soit grise