165r - - - - - Reparer
Si en ton gect il survient quelque petit trou, racoustre le
avecq de la cire gommee a esbaucher qui soit noire ou grise
Laque
Si estant broyee tu la laisses seicher sans la tenir en leau
elle dessechera & tu auras aultant de peyne a la broyer comme
au paravant La
Tendre un portrait en toile
Sil est foule & plisse en le roulant mouille le par
derriere avecq une esponge mouillee & tu le tendras fort
uny sans le gaster
Plastre a mouler
Quand il est long a fayre prise & seicher cest signe quil est
trop gras & humide qui est ce qui le faict retirer au foeu &
se fendre dou viennent les baves celuy qui se tire en terre
maigre est le meilleur Il ne fault pas long temps garder les
moules de plastre gras car ils semblent la terre grasse qui en
se sechant delles mesmes se fend Le mieulx est de les recuire
bien tost apres quilz sont faicts & gecter Le bon plastre se garde
long temps en
moules
at left middle margin
Il le fault
bien huiler car
il est plus difficile
a se separer les
deulx moicties des
moules que
quand il est
mesle
Sang de dragon
Il se peult imiter avecq la laque qui le surpasse en beaulte
si dicelle destrempee a huile tu en glaces sur lor ou argent.
Destrempee a vernis elle se meurt
Reparer serpents et lesards
Tu pourrois bien faire des poincons selon la forme de
leurs escailles & en faire de plus grands & plus petits
selon la forme du col du corps & de la queue Sil y ha
quelque chose rompu tu le peulx hanter avecq de petites pieces
poinctes de fil de fer ou dacier & coller avecq colle de poisson
& puys couvrir tout avecq cire grise ou noire Mays il fault
laisser seicher la colle un jour sans y toucher