163v - - - - - Escrevisse
Volontiers les corniches pelues qu’elle ha dessoubs
le bec coe viennent grumeleuses & mal nettes pource que,
estant bruslées, elles sont difficiles à oster & nettoyer
leur cendre qui, demeurant dans le moule le, empeschent
que le metal n’y peult bien courir, & pour ceste ocasion
on faict au bout d’icelles un petit gect de fil de cire,
tant pour les soubstenir que pour soufler là dedans
la cendre qui empesche.
at left top margin
N’espargne point
les pointes, pour en
mectre non seulement
au milieu du corps,
mays au pates
grosses, et à la
queue deulx ou trois
selon le plant que
tu luy vouldras
donner.
Crocum
Celuy qui est rouillé de soy mesme, estant arrousé
d’eau sel ou vinaigre ou urine, et puys fort deseché
et rougy au foeu, est fort rouge broyé sur le porphire, et est de
couleur de bol de levant & aprochant du minium.
Mays celuy qui est arrousé d’urine & deseché
adquiert plus haulte taincture & aproche à l’aes ustum
broyé ou au vermeillon. Mays le premier subtilement
broyé adquiert une vive couleur rouge dans le comme
cinabre dans l’eau de vye. Et les uns et les aultres,
preparés comme dict est, et subtiliés & rendus fort
chaults, rendent une fumée rouge comme un esprit
volatil si, estants ainsy chaults et subtils, on gecte
dessus du vinaigre, urine ou eau de vye. L’urine
donne beaucoup de taincture, et l’eau de vye aussy.
Figure at left middle margin
Reparer
Il est mieulx de reparer peu avecq le burin apellé onglet,
ou avecq celuy qu’on apelle chaple, ou quelque petite lime.
Mays surtout evite de toucher à ton ouvrage, ains seulement
à la bave ou grumeleure qui sera survenue au gect. Et en
reparant, mouille & frotte avecq tes petites sayettes de pourceau.