163v - - - - - Escrevisse
Volontiers les corniches pelues quelle ha dessoubs
le bec coe viennent grumeleuses & mal nettes pourceque
estant brusler elles sont difficiles a oster & nettoyer
leur cendre qui demeurant dans le moule le empeschent
que le metal ny peult bien courir & pour ceste ocasion
on faict au bout dicelles un petit gect de fil de cire
tant pour les soubstenir que pour soufler la dedans
la cendre qui empesche
at left top margin
Nespargne point
les pointes pour en
mectre non seulement
au milieu du corps
Mays au pates
grosses Et a la
queue deulx ou trois
selon le plant que
tu luy vouldras
donnas
Crocum
Celuy qui est rouille de soy mesme estant arrouse
deau sel ou vinaigre ou urine et puys fort deseche
et rougy au foeu @ est fort rouge broye sur le porphire et est de
couleur de bol de levant & aprochant du minium
Mays celuy qui est arrouse durine & deseche
adquiert plus haulte taincture & aproche a laes ustum
broye ou au vermeillon Mays le premier subtilement
broye adquiert une vive couleur rouge dans le comme
cinabre dans leau de vye Et les uns et les aultres
prepares comme dict est et subtilies & rendus fort
chaults rendent une fumee rouge comme un esprit
volatil si estants ainsy chaults et subtils on gecte
dessus du vinaigre urine ou eau de vye Lurine
donne beaucoup de taincture Et leau de vye aussy
Figure at left middle margin
Reparer
Il est mieulx de reparer peu avecq le burin apelle onglet
ou avecq celuy quon apelle chaple ou quelque petite lime
Mays sur tout evite de toucher a ton ouvrage ains seulement
a la bave ou grumeleure qui sera survenue au gect Et en
reparant mouille & frotte avecq tes petites sayettes de pourceau