163r - - - - - Parfumeur
Ils mectent volontiers moictie dambre & moictie musc & fort
peu de civette pourceque lambre emporte tousjours la
principalle senteur sur le musc
Pour espargner lambre ilz mectent volontiers aulx couches
blanches un peu de musc & @pour l qui donne senteur
plus violente Mays pour oster la ou cacher la noirceur
du musc Ils y mectent un peu damydon dangleterre
qui est parfaitement blanc
Quand lambre
Pour parfumer dambre blanc a la facon de
portugal prens un huchau dambre bien esmenuisse
Et ayant mis dans une petite escuelle dargent une cuillere
dargentdhuile de fleur ou en default dhuile de ben @
Scavoir est une cuillere dargent quon sert a table
Mects y ton ambre gris & pose tout sur foeu lent
et il se fondra bien tost si lambre est bon & ny demeurera
rien grumeleux Estant le tout fondu mects y la
grosseur dun pinon de civette & fais fondre & mesler
bien ensemble Apres prens tes gands bien laves
& bien essuicts & trempant fort legerement le bout
du doigt sur dans le bort de lhuile estants sur le
gand peu a peu & avecq patience & frotte le gand
entre les mains & suis les doigts & les costures lune
apres laultre Et laisse seicher Apres resuicts
comme devant jusques a ce que lambre soict tout pose
Eau de vye
Elle est excellente a fayre mouler net de sorte quau lieu
ou tu nen mectras point le sable communement sattaquera a
la figure Mays elle veult estre de trois passes Et pource
elle ne prend pas aysement sur les choses huilees je croy
quil seroit bon den mectre parmy leau dans laquelle tu
destrempes ton sable