162r - - - - - Pour la boutique
Il se peult colliger par le dire d’Herodote que la navigation
des Portugais n’est pas nouvellement par eulx inventée comme ils se
ventent. Au comancement du premier livre intitule Clio, il dict
que les Phoeniciens venoient de la mer Rouge par continuelles
navigations en la coste de Graece, principallement à Argos, où ilz
portoient des marchandises d’Aegipte & d’Assyrie, que communement
en six jours il avoient debité.
at left top margin
Navigation,
marchandise.
Herodote, au premier foeuillet de Clio, dict que les Grecs furent
dans un long vaisseau en la coste de Colchos & au fleuve Phasis,
où ilz ravirent Medée.
at left top margin
Galeres.
Herodote au 3 foeuillet dict que Gyges presenta au temple de Delphe
pateras aureas sex pondo 30 talentorum.
at left middle margin
Vases d’or.
Herodote. Halyattes, pere de Croesus, pateram ex ferro
compactilem apud Delphos dedicavit spectatu dignam
inter omnia quae sunt Delphis donaria, opus Glauci
Chii qui solus omnium compactionem ferri excogitavit.
Compactile ferrum, qui est fait d’assemblage & choses raportées.
at left middle margin
Vase de fer
raporté et souldé.
Comme les petitscontreporteurs exposent de petites marchandises
pour en achepter de plus riches & proficter de plus en plus,
aussy pour le desir d’aprendre j’expose ce peu qui est de ma
boutique pour recepvoir en commun commerce des lettres
beaucoup plus rares secrets des benevoles lecteurs.
Aes ustum
| Estant pulverisé subtillement il moule tresnet & ha une certaine graisse qui luy donne liaison |
, plus qu’au Crocum, & croy qu’il ne seroit point mal propre au gect. |
Boys pourry
Celuy qui est blanc, leger comme une esponge, estant bruslé
à foeu clos, peult servir en chassis pour le plomb, et moule
fort net. Mays telles choses n’endurent pas le foeu.