161v - - - - - Crocum ferri
Il se faict promptement si tu mets la limaille bien
nette & lavée dans une caisse de fer, haulte de deux doigts
& couverte, & la fais ainsy rougir en un four de reverberation,
l’ayant lavée de bon vinaigre l’espace d’un jour. Et elle
sera bien bruslée p & propre, meslée, subtiliée sur le mabre.
Estant bien broyée, & lors qu’elle sera bien subtille, le>
le vinaigre y mordra bien aisement & luy donnera bien
tost rougeur & liaison, la mouillant du plus fort que
tu pourras trouver, & l’enflammant aprés. Et trois ou
4 ignitions rorations & ignitions il sera prest. Cestuy
cy est de couleur colombine & est trouvé plus ferme pour le
gect que celuy qui est plus rouge & de couleur de minium bol
faict de limaille rouillée coe, & ha plus de taincture.
Aultres bruslent plusieurs fois la limaille sur une
palle de fer rouge, l’arrousant à chasque foys de vinaigre.