161v - - - - - Crocum ferri
Il se faict promptement si tu mets la limaille bien
nette & lavee dans une caisse de fer haulte de deux doigts
& couverte & la fais ainsy rougir en un four de reverberation
layant lavee de bon vinaigre lespace dun jour Et elle
sera bien bruslee p & propre meslee subtiliee sur le mabre
Estant bien broyee & lors quelle sera bien subtille le
le vinaigre y mordra bien aisement & luy donnera bien
tost rougeur & liaison La mouillant du plus fort que
tu pourras trouver & lenflammant apres Et trois ou
4 ignitions rorations & ignitions il sera prest Cestuy
cy est de couleur colombine & est trouve plus ferme pour le
gect que celuy qui est plus rouge & de couleur de minium bol @
faict de limaille rouillee coe & ha plus de taincture
Aultres bruslent plusieurs fois la limaille sur une
palle de fer rouge larrousant a chasque foys de vinaigre