161r - - - - - Praeparation du sable pour chassis
Apres que ton sable de noyau dalu de gip de lateribus & alume
jameni ta servi en noyau Rassemble les lopins des moules
romps les sur une longue table avecq un gros billot affin de
les bien pulverisesr et pour mieulx tamise le subtilement Mects les dans des pots au four du tuilier
ou four a pain plusieurs fois lors quil est bien allume affin quilz
viennent bien rouges Estant refroidis repile les si besoing est et tamise Apres
mects le dans une vaisse ou semal ou vaisseau net capable Et le
destrempe avecq eau claire Et le broye & remue avecq un gros
baston jusques a ce quil soict bien destrempe & lave & que les
ordures aillent sur la superficie de leau & continue de le remuer
ainsy comme le gip mat quon praepare pour dorer dor bruny @ cinq ou
six jours jusques a ce quil ne soict aulcunement grumeleux # nota@ Et a
chasque fois que tu le remueras laisse le reposer & vuide
leau claire qui sera par dessus par inclination ou avecq une
escuelle ou esponge Et remets daultre eau claire & ainsy
lave & remue le jusques a ce quil soict bien subtil & repurge
de toute ordure nota # Apres laisse le un peu essorer et secher et en fais
des pelotes destrempees en eau de sel armoniac et estant ainsy
d desseches l mects les a recuire a grand chaleur dans un
four de reverberation ou elles soient bien rouges bon espace
de temps Estant recuites de ceste sorte pulverise les & essaye
en chassis de mouler quelque chose ayant humecte ta
pouldre deau de sel armoniac Et fays recuire & rougir
le chassis & si ton sable se retire Il le fault encore
pulveriser & destremper en eau de sel armoniac le reduire
en pelotes & le recuire & rougir & continuer tant de foys quil
ne se retire point au chassis quand tu le rougiras Le
principal est quil soict bien recuit Car aultrement le sel
armoniac ne se calcineroit pas bien & rendroit le sable grossier
& pour ceste cause il ny fault pas trop de sel armoniac
at left top margin
@ nota quil fault
premierement
que de le secher
destremper letout
et le vuider le
liquide en un aultre
vaisseau commun
quitant le
litarge affin que
les pierres & terre
demeure au fond
apres Il fault
le laisser reposer
& vuider leau par
inclination & le
laisser secher
at left bottom margin
nota