Making and Knowing
A minimal edition of BnF Ms Fr 640

[TOC] | [translation]

- - - - - folio image: 160r - - - - -

Presse pour les grands moules

Figure Figure

Figure at right top margin Figure

Ce sont deulx lamines de fer attachees par quattre petits
piliers de fer de telle sorte toutes foys quelles la superieure puyssent librement
jouer & courir le long des piliers & que celle de bas soict
arrestee Au bout des piliers sarreste une croix de Sainct Andre
de fer au milieu de laquelle est une vis qui sarre les lamines
contre les moules qui sont entre deulx
Ou bien pour les petits moules on fait un chassis & ayant
mis les moules entre deulx lames de fer on pose le sarre dans
le chassis avecq des coings
Les grandes presses de bois faictes a vis oultre ce quelles
sont lourdes a mectre aupres de la forge pour gecter On ne peult
pas cognoistre quand elle sarrent trop & bien souvent elles
rompent le moule

at left top margin

La vis est rivee
a cest estrier qui
est cloue sur la
platene de dessus
& par ce moyen
la haulsse & la
presse

Sable pour fleurs

Sil est gecte espes il agrave trop les fleurs & les reserre & reduit
comme amassees ensemble Advise doncq de le destremper cler & fort
soufler plustost que la fleur ne soict couverte gecte au coste du
moule Et destrempant le sable il ne fault seulement tourner la
pallette Mays battre le sable dans leau comme si tu battois
de la glaire doeuf