159r - - - - - Portraicts de cire
S’ilz sont pains de coleurs sur la cire & que la cire ne
soye taincte au dedans & meslée de couleur, la taincture
s’enleve & deffaict si tu les moules en noyau, mays le
pourtraict ne se gaste poinct. Il les fault huiler legerement,
baigner d’eau de vye & destremper avecq eau chaulde.
Silz sont vernissés, ilz les fault mouler deulx ou trois foys
pour enlever le vernis qui se grippe au moule. Aprés
qu’il sera osté, tu pourras mouler net. S’ilz sont sur
du boys, il fault abreuver le bois de cire fondue fort
chaulde, car le moule aultrement s’i attacheroit. Le blanc
de plomb est beaucoup meilleur pour mesler avecq la
cire blanche que la ceruse, car le blanc de plomb est
plus ferme & plus blanc.
Ciseler
Si le ciselet a passé par quelque partye d’un portraict,
il fault reparer & resuivre le tout. Aultrement il sembleroit
une piece raportée.
Colle de poisson
Bats la fort subtille & tanvre sur une enclume bien nette,
& aprés destrempe la avecq de l’eau de vye sur ch cendres
chauldes & foeu leger, & elle sera bien tost fondue; & si elle n’est
assés forte & espesse, adjoustes en. Et advise de les ne la mestre
poinct à fondre dans un vaisseau gras mays noeuf, si tu peulx.
Elle se fond au foeu & se seiche bien tost aussy au foeu, mays
qu’elle soict chaufée de loing estant sur l’ouvrage. Elle tient fort.
On en raporte les fleurs & choses delicattes d’or, d’argent, d’estain
& aultres qu’il y ha danger de gaster en souldant.
Estaim et plomb
Ils se battent fort tanvre sans se. Et l’estaim ne s’aigrist &
fend poinct, si faict bien le plomb, Ma encores qu’il soict plus gras,
mays on le recuit soubs la cendre chaulde. Et les fault battre
plusieurs foeuilles ensemble.