159r - - - - - Portraicts de cire
Silz sont pains de coleurs sur la cire & que la cire ne
Soyent taincte au dedans & meslee de couleur La taincture
senleve & deffaict si tu les moules en noyau Mays le
pourtraict ne se gaste poinct Il les fault huiler legerement
baigner deau de vye & destremper avecq eau chaulde
Silz sont vernisses ilz les fault mouler deulx ou trois
pour enlever le vernis qui se grippe au moule Apres
quil sera oste tu pourras mouler net Silz sont sur
du boys il fault abreuver le bois de cire fondue fort
chaulde car le moule aultrement si attacheroit Le blanc
de plomb est beaucoup meilleur pour mesler avecq la
cire blanche que la ceruse car le blanc de plomb est
plus ferme & plus blanc
Ciseler
Si le ciselet a passe par quelque partye dun portraict
il fault reparer & resuivre le tout Aultrement il sembleroit
une piece raportee
Colle de poisson
Bats la fort subtille & tanvre sur une enclume bien nette
& apres destrempe la avecq de leau de vye sur ch cendres
chauldes & foeu leger & elle sera bien tost fondue & si elle nest
asses forte & espesse adjoustes en Et advise de les ne la mestre@
poinct a fondre dans un vaisseau gras mays noeuf si tu peulx
Elle se fond au foeu & se seiche bien tost aussy au foeu Mays
quelle soict chaufee de loing estant sur louvrage Elle tient fort
On en raporte les fleurs & choses delicattes dor dargent destain
& aultres quil y ha danger de gaster en souldant
Estaim et plomb
Ils se battent fort tanvre sans se Et lestaim ne saigrist &
fend poinct si faict bien le plomb Ma encores quil soict plus gras
Mays on le recuit soubs la cendre chaulde Et les fault battre
plusieurs foeuilles ensemble