158v - - - - - Couleurs pour les feuilles vertes
On les painct communement a huile pourceque les couleurs
a destrempe nont point de tenue Pour fleur de soulcy
le minium peu broye pour aulcuns & pour daultres qui
sont plus jaulnastres un peu de massicot parmy
Pour vert Le vert de gris a fonds & est trop obscur
Si cest un vert jaulnastre Tu peulx mesler avecq
le verdegris un peu docre jaulne & de scudegrun
Si le verd est obscur Mects parmy du charbon
de noyau de pescher qui faict un v noir verdastre
comme le noir dos de pied de bœuf faict bleuastre
Et ainsy par jugement & discretion mects la couleur
sur la fleur ou foeille naturelle pour voyr
si elle aproche bien @Mays couche la fort clere pour ne
couvrir pas les traicts de louvrage
Grands moules
A cause du grand poix du metal ilz veulent
estre mis dans une presse affin quilz ne souvrent
pas
Fumee de chandelle
Elle faict venir plus net & encores quelles soict un peu espesse
elle ne tient poinct de lieu pourcequelle nha poinct de
corps Jay ainsy parfume mes moules de noyau pour
lestain & plomb Et ay gecte dans le moule froid
mays auparavant bien deseiche Et est venu fort net
Il est vray que le plomb mesle de moictie destain
pourceque la medaille estoit espesse estoict fort chault
Gect
Encores que Si la medaille est fort espesse ne luy donne
pas pour cela le gect aussy espes Il suffict que le
gect aye la moictie de son espesseur Mays si elle
tanvre donne luy le gect de son espesseur Noublie pas de
fayre des souspirails au gect ou communement la matiere soufle
at left bottom margin
Noublie jamays
dhuiler le gect de
cire quand tu moules
des herbes ou
fleurs Aultrement
il se rompt & ne
se peult pas
retirer