157v - - - - - Cendre dans les moules
Il fault laisser froidir le moule plustost que
soufler pour fayre sortir les cendres Car quand
le moule est chault elle adherent contre luy & estant
froid plus aysement sen separent & sen vont en souflant
avecq le vent en vapeur
Mouler un oiseau
Il fault luy donner son plant Et pour ce faire le mectre
de coste sur la platine dardille Et cacher dans icelle
& enfoncer la moictie dudict oiseau affin quil ne mostre quune
iambe & un pied puys tu loindras de beurre pour faire
tenir la plume couchee En fin dhuile deau de vye Et
puys gecte Et ayant faict prise nettoye & descouvre
ce qui en aura besoing Apres moule laultre coste
de mesme sorte Mays pourceque les pied estants dos
malaises a brusler & qui ne se pourroient point nettoyer
ne par argent vif Si ne aultre moyen si le moule ne
souvroit descouvre le dessoubs des pieds & lorteil ou petit
doigt du talon & moule dune piece a part fais recuire
& ouvre ton moule & nettoye les os Les pieds communement
demeure foibles pour soubstenir la masse de loiseau
massif Et pour ceste cause on adapte un fil de fer
dans le moule des pieds qui passent dans le corps plustost
que gecter ainsy ilz se renforcissent Aulcuns moulent
les aisles en chassis Aultres moulent la teste & lesdictes aisles
a part en noyau puys les raportent & reparent pour esbaucher
premierement une forme qui soict roide & soubstiene le sable
destrampe
at left middle margin
Ils sescorchent
& remplissent
le toile cottonee
& pour mieulx
il fault adouber
a la facon des
corroyeurs affin
quilz ne perdent
point la plume
leste Ladoub
est alum & paste
de farine
Pour faire h… un f…rs
@
Prenez un chausson du pied droidt@ qui ait este porte et le faictes
boyre au tremper en eau et de leau qui en sortira la faire boyre au mesme
ou au autre et verrez merveilles