157r - - - - - Moyen des orfevres pour mouler
creux
Ils moulent en deulx os de seiche leur animal ou aultre
ouvrage solide qu’ilz ont ou desja faict ou esbauché en cire
et gecté en plomb. Comme il est bien emprainct dans les deulx
os de seiche, ilz mectent entre ces deulx os un papier
& joignent les os & gectent. L’ouvrage vient party par
moictié. Et puys avecq ch un chaple ils cavent aussy
subtils qu’ilz leur plaist les deulx moitiés gectées d’or ou
d’argent, et puys les souldent ou brasent.
Rouge cler
Aulcuns orfevres l’esprouvent sur de l’or esp battu tanvre
& bien bruny avecq le chaple. Mays il est mieulx de l’esprouver
sur un lingot d’or, et esprouver aussy en ouvrage ou grand
ou fantasque tes matieres, pource que si elles paroissent
bien en grand ouvrage & extraordinaire, elles se demonstrent
excellentes en ouvrage commun.
Nettoyer et desgraisser
tes ouvrages gectés d’estain
et aultres
Fais de la lessive curieusement passée par de bonnes
cendres, et comme elle sera recente & point grasse, Fais
y bouillir ton ouvrage moulé. Et le suif et gresse s’en part
Disposer l’herbe ou fleur pour
gecter
Mets toujours a l’enssus le principal envers de la chose
pource qu’il vient mieulx et plus net que le bas.
Fais le gect large & que le supraplus (qui est la masse)
aulx fondeurs de grand gect, Et mesmement pour l’argent qui veult
le moule bien chault & estre gecté fort chault.
Les choses fort tanvres veulent estre gectées fort chault.
at left bottom margin
Quand tu
cognois que la
tige d’une fleur
bruslée dans
le moule qui
ne s’ouvre point
est bien reduicte
en cendre,
c’est signe que
le reste est bien bruslé.
Mousches
Elles se moulent
mieulx sur une
foeille seule quen
sur un bouquet
ou fleur ou
branche d’herbe,
pource que la foeille seule
se moule a
deulx moictiés
qui estant recuits
se peuvent ouvrir
et bien nettoyer,
& le gect s’i fait
mieulx. Advise
en prenant la
mouche de ne
rompre pas les
jambes & de ne
la laisser pas
trop secher,
car lors les jambes
tombent. Et si cela t’advient, colle avecq colle
de poisson les mesmes jambes et avecq cire,
ou bien adaptes en de poil de porc ou de
corde d’espinette. Arreste la foeille
sur la platene d’ardille avecq deux
poinctes, et la
mouche avecq
une poincte
au milieu du
corps & les pattes avecq de la cire.