Making and Knowing
A minimal edition of BnF Ms Fr 640

[TOC] | [translation]

- - - - - folio image: 157r - - - - -

Moyen des orfevres pour mouler
creux

Ils moulent en deulx os de seiche leur animal ou aultre
ouvrage solide quilz ont ou desia faict ou esbauche en cire
& gecte en plomb Comme il est bien emprainct dans les deulx
os de seiche ilz mectent entre ces deulx os un papier
& ioignent les os et gectent Louvrage vient party par
moictié Et puys avecq ch un chaple ils cavent aussy
subtils quilz leur plaist les deulx moities gectees dor ou
dargent Et puys les souldent ou brasent

Rouge cler

Aulcuns orfevres lesprouvent sur de lor esp battu tanvre
& bien bruny avecq le chaple Mays il est mieulx de lesprouver
sur un lingot dor Et esprouver aussy en ouvrage ou grand
ou fantasque tes matieres Pourceque si elles paroissent
bien en grand ouvrage & extraordinaire Elles se demonstrent
excellentes en ouvrage commun

Nettoyer et desgraisser
tes ouvrages gectes destain
et aultres

Fais de la lessive curieusement passee par de bonnes
cendres et comme elle sera recente & point grasse Fais
y bouillir ton ouvrage moule Et le suif et gresse sen part

Disposer lherbe ou fleur pour
gecter

Mets touiours a lenssus le principal envers de la chose
pourcequil vient mieulx et plus net que le bas
Fais le gect large & que de supraplus (qui est la masse)
aulx fondeurs de grand gect Et mesmement pour largent qui veult
le moule bien chault & estre gecte fort chault
Les choses fort tanvres veulent estre gectees fort chault @

at left bottom margin

Quand tu
cognois que la
tige dune fleur
bruslee dans
le moule qui
ne souvre point
est bien reduicte
en cendre
cest signe que
le reste est bien brusle

Mousches

Elles se moulent
mieulx sur une
foeille seule quen
sur un bouquet
ou fleur ou
branche dherbe
pourceque la
foeille seule
se moule a
deulx moicties
qui estant recuits
se peuvent ouvrir
et bien nettoyer
& le gect si fait
mieulx Advise
en prenant la
mouche de ne
rompre pas les
iambes & de ne
la laisser pas
trop secher
car lors les iambes
tombent Et si cela tadvient colle avecq colle
de poisson
les mesmes iambes et avecq cire
ou bien adaptes en de poil de porc ou de
corde despinette Arreste la foeille
sur la platene dardille avecq deux
poinctes Et la
mouche avecq
une poincte
au milieu du
corps & les pattes avecq de la cire