156v - - - - - Mouler une mousche
Prens des plus grosses vo mouches qui vont aulx gardemangers,
qui ne soient poinct pelues s’il est possible. Si elles le sont,
oints leur lanuge & poil folet d’huile d’olif legerement pour
le faire coucher. Prens les aussy et les employe le
plus tost que tu pourras aprés qu’elles sont mortes, pource que
si tu les laissois beaucoup seicher, leeurs jambes se
romproient quand tu les vouldrois estandre. Il fault
aussy, pour les faire mieulx venir, les poser sur quelque
chose comme foeuille ou aultre chose semblable, pour ayder
le gect de leurs petites jambes, qui sont si frangibles
que d’elles mesmes, elles ne viendroient pas bien au gect. Elles
se peuvent planter sur une foeuille de sauge ou semblable.
Elles se gectent bien en argent & en or, mays on faict
communement les jambes & aisles à part & on les raporte.
J’en ay moulé une sur uneg foeuille de saulge bouquet de sauge
qui avoict sept ou huict foeuilles. Et pour fayre son
plant att, j’arrestay ses pates au sur la plus large
foeuille avecq un peu de cire fondue & raportée avecq une
poincte de fil de fer chaulde. Et affin que les aisles
vinssent mieulx, j’oignis le dessoubs d’icelles de beurre
fondu avecq un petit pinceau. Et avecq la mesme poincte
de fil de fer chault, j’oignis les jambes & pattes d’huile
de froment. Et pour abattre & faire coucher le poil lanugineux
qu’elle avoit, je l’oignis aussy ud‘un peu d’huile d’olif.
Je ne laissay pas beaucoup seicher l’huile de froment, pource que
il est espés & ha corps, & que l’eau de vye n’y prent point.
Pour l’onction, lae suif est trop aspre, la gresse de porceau
est trop molle, et le beurre est le plus excellent pource qu’il
est plustot sec & caille & incontinent fondu & plus ferme.
Advise que les jambes & pattes soient bien assises sur la
foeuille & n’en soient pas hors, car ce qui excederoit
ne viendroit pas si bien, mesmement en argent pource que
cela excederoit le si subtil ne seroit pas ayde du gect. Et de vray,
les pates qui estoient couchées sur la foeuille sont bien venues, mays
celles qui passoient de foeuille en foeuille & demeuroient au vague
ne sont pas venues en estain. Le reste de la mouche est bien
venu, et mesmement le bouquet de sauge qui est fort beau moulé.
at left top margin
On la pourroit bien gecter d’or & d’argent, sans les pieds & sans l’apliquer sur une fleur,
en faisant le gect soubs le ventre
& raportant par souldure les pieds
& si besoing est les aisles de mesme metal, & se pourroit
esmailler en forti—
fiant un peu les
aisles & pieds comme
dict est.
at left top margin
Si ta sauge ou
branche a quelque
chose à reparer,
fais comme cy dessoubs
est dict. Et puys
pains selon le
naturel.
Figure
at left top margin
Estant gectée en or,
on esmaille les aisles
avecq du verre de vitre
de Lorraine, qui est
verdesun et transparens.
at left middle margin
Il fault faire
le gect de la mouche
par le cul, affin
avecq cire fondue
adaptée avecq la
poincte de fer, comme
tu sçais, à laquelle
la mouche s’attache
& puys la cire se
fondant sert de
gect à la mouche.
at left bottom margin
+ S’il vient quelque
default aulx aisles
de ta mouche, bas de
l’estain fort tanvre,
ou d’&or ou d’argent
si tu l’en as gectée,
& avecq taille avecq
des ciseaulx, ce qu’il
y fault raporter &
aprés aplique le avecq
tes pincettes & le colle
avecq colle de poisson
acoustrée comme cy dessoubs
est mis. Et plustost
chaufe legerement ton
ouvrage affin que sa
froideur ne refuse
point la colle, qui sera
bien tost seche, la
chaufant de loing.
Aprés couvre legerement
les joinctures de la chose raportée avecq de la cire à esbaucher, qui est cire blanche meslée
de beaucoup de ceruse ou blanc de plomb, la parfondant avecq une poincte de fer chaulde. Tu couperas
aussy de petits bouts de corde d’espinette & les colleras avecq ladicte colle, & estants secs, c’est à sçavoir
les pieds, repares de cela. Tu les engrossiras avecq de ceste mesme cire fondue pour les rendre esgaulx.