156v - - - - - Mouler une mousche
Prens des plus grosses vo mouches qui vont aulx gardemangers
qui ne soient poinct pelues sil est possible si elles le sont
oints leur lanuge & poil folet dhuile dolif legerement pour
le faire coucher Prens les aussy et les employe le
plus tost que tu pourras apres quelles sont mortes pourceque
si tu les laissois beaucoup seicher leeurs iambes se
romproient quand tu les vouldrois estandre Il fault
aussy pour les faire mieulx venir les poser sur quelque
chose comme foeuille ou aultre chose semblable pour ayder
le gect de leurs petites iambes qui sont si frangibles
que delles mesmes elles ne viendroient pas bien au gect Elles
se peuvent planter sur une foeuille de sauge ou semblable
Elles se gectent bien en argent & en or Mays on faict
communement les iambes & aisles a part & on les raporte
Ien ay moule une sur uneg foeuille de saulge bouquet de sauge
qui avoict sept ou huict foeuilles Et pour fayre son
plant att iarrestay ses pates au sur la plus large
foeuille avecq un peu de cire fondue & raportee avecq une
poincte de fil de fer chaulde Et affin que les aisles
vinssent mieulx ioignis le dessoubs dicelles de beurre
fondu avecq un petit pinceau Et avecq la mesme poincte
de fil de fer chault ioignis les iambes & pattes dhuile
de froment Et pour abattre & faire coucher le poil lanugineux
quelle avoit ie loignis aussy udun peu dhuile dolif
Ie ne laissay pas beaucoup seicher lhuile de froment pourceque
il est espes & ha corps & que leau de vye ny prent point
Pour lonction lae suif est trop aspre la gresse de porceau
est trop molle Et le beurre est le plus excellent pource quil
est plustot sec & caille & incontinent fondu & plus ferme
Advise que les iambes & pattes soient bien assises sur la
foeuille & nen soient pas hors Car ce qui excederoit
ne viendroit pas si bien mesmement en argent pourceque
cela excederoit le si subtil ne seroit pas ayde du gect Et de vray
les pates qui estoient couchees sur la foeuille sont bien venues Mays
celles qui passoient de foeuille en foeuille & demeuroient au vague
ne sont pas venues en estain Le reste de la mouche est bien
venu Et mesmement le bouquet de sauge qui est fort beau moule
at left top margin
On la pourroit bien gecter dor & dargent sans les pieds & sans lapliquer sur une fleur
en faisant le gect soubs le ventre
& raportant par souldure les pieds
& si besoing est les aisles de mesme metal & se pourroit
esmailler en forti
fiant un peu les
aisles & pieds comme
dict est
at left top margin
Si ta sauge ou
branche a quelque
chose a reparer
fais comme cy dessoubs
est dict Et puys
pains selon le
naturel
Figure
at left top margin
Estant gectee en or
on esmaille les aisles
avecq du verre de vitre
de lorraine qui est
verdesun et transparens
at left middle margin
Il fault faire
le gect de la mouche
par le cul affin
avecq cire fondue
adaptee avecq la
poincte de fer comme
tu scais a laquelle
la mouche sattache
& puys la cire se
fondant sert de
gect a la mouche
at left bottom margin
+ Sil vient quelque
default aulx aisles
de ta mouche bas de
lestain fort tanvre
ou d&or ou dargent
si tu len as gectee
& avecq taille avecq
des ciseaulx ce quil
y fault raporter &
apres aplique le avecq
tes pincettes & le colle
avecq colle de poisson
acoustree comme cy dessoubs
est mis Et plustost
chaufe legerement ton
ouvrage affin que sa
froideur ne refuse
point la colle qui sera
bien tost seche la
chaufant de loing
Apres couvre legerement
les ioinctures de la chose raportee avecq de la cire a esbaucher qui est cire blanche meslee
de beaucoup de ceruse ou blanc de plomb la parfondant avecq une poincte de fer chaulde Tu couperas
aussy de petits bouts de corde despinette & les colleras avecq ladicte colle & estants secs Cest a scavoir
les pieds repares de cela tu les engrossiras avecq de ceste mesme cire fondue pour les rendre esgaulx