155r - - - - - Mouler une rose
Pource que les branchetes du rosier qui sont aupart aultour de
la fleur sont quelques fois fort dilatées & feroient
un trop grand moule, on les faict et moule à part, et la rose
& quelques boutons à part. Et puys on raporte
avecq souldure les branchettes & foeuilles de rosier à la
queue de la rose, à laquelle on laisse expressement de
petits bouts des branchettes. Mect la foeuille ou rose
le plus bas que tu pourras dans le moule pource que le sable
la releve tousjours. Tu en peulx aussy mouler plusieurs
foeuilles ensemble estant disposées l’une sur l’aultre, les
distingant avecq les filets comme dict est. Et pour le regard
de la rose tu peulx donner une legere couche de beurre fondu
au dos de la foeuille, de aulx premieres foeilles de dehors non à celles de dedans be, pour l’affermir & luy donner force de
soubstenir, affin que le sable destrempé ne les dilate & escarte plus qu’il ne fault. Tu les peulx bien mouler aussy les foeuilles
des rosiers, fraisiers & semblables, qui sont plates
& qui se peuvent aplatir sans les gaster. A deulx gects,
pour ouvrir ton moule quand il est recuit & le nettoyer
de la cendre Toute et faire des souspirails &
plusieurs gects. Et ceste voye est la plus facille,
mays l’aultre se peult faire aussy. Et avecq de petits
filons de cire adaptés & joincts de foeuille à foeuillle,
tu peulx fayre des gects. Mesmes tu peulx faire
despuys le dos de la premiere foeuille iusques un filon de cire,
qui se raportera au gect. Tout cela facilite le gect.
Aulcu Le principal est de laisser bien froidir les
moules recuits, plustost que les nettoyer & soufler dedans
pour faire sortir la cire, pource que quand le moule est
chault la cendre se tient comme attachée. Mays quand il
est froid elle s’esperd et sort avecq le vent ou quand
on retire l’alheine à soy par le petit pertuis.
Figure at left top margin
at left middle margin
Tu peulx bien
donner un peu
d’espesseur au
bout des tiges
qui soubstiennent
les foeuilles, les
oignant legerement
par dessoubs de
beurre fondu,
pource que les
foeuilles sont
grandes & poisent
et la tige
de plomb &
estain n’auroit
pas assez de
force.
at left bottom margin
Je serois d’advis
de mouler la
rose seule avecq
un peu de queue
prés de son bouton,
& puys luy raporter
une plus longue
de letton estamé,
pource que la
rose espanouye
ha grand volume
& poisant.
at bottom margin
Mouille la rose d’eau de vye plustost que la mectre dans
le cercle d’ardille. N’oublye pas d’huiler le gect de cire.
Et quand tu auras gecté ton sable destrempé, soufle fort
jusques à ce qu’il commance à faire prise. La rose est
bien venue. Mays pource que le sable se trouve meslé parmy les
foeuilles, fais long temps tremper ton ouvrage dans l’eau affin que
le secouant dans l’eau la terre s’en aille.