155r - - - - - Mouler une rose
Pource que les branchetes du rosier qui sont aupart aultour de
la fleur sont quelques fois fort dilatees & feroient
un trop grand moule On les faict et moule a part Et la rose
& quelquees boutons a part Et puys on raporte
avecq souldure les branchettes & foeuilles de rosier a la
queue de la rose a laquelle on laisse expressement de
petits bouts des branchettes Mect la foeuille ou rose
le plus bas que tu pourras dans le moule pource que le sable
la releve tousiours Tu en peulx aussy mouler plusieurs
foeuilles ensemble estant disposees lune sur laultre les
distingant avecq les filets comme dict est Et pour le regard
de la rose tu peulx donner une legere couche de beurre fondu
au dos de la foeuille de aulx premieres foeilles de dehors non a celles de dedans be pour laffermir & luy donner force de
soubstenir affin que le sable destrempe ne les dilate & escarte plus quil ne fault Tu les peulx bien mouler aussy les foeuilles
des rosiers fraisiers & semblables qui sont plates
& qui se peuvent aplatir sans les gaster a deulx gects
pour ouvrir ton moule quand il est recuit & le nettoyer
de la cendre Toute et faire des souspirails &
plusieurs gects Et ceste voye est la plus facille
Mays laultre se peult faire aussy Et avecq de petits
filons de cire adaptes & ioincts de foeuille a foeuillle
tu peulx fayre des gects Mesmes tu peulx faire
despuys le dos de la premiere foeuille iusques un filon de cire
qui se raportera au gect Tout cela facilite le gect
Aulcu Le principal est de laisser bien froidir les
moules recuits plustost que les nettoyer & soufler dedans
pour faire sortir la cire pource que quand le moule est
chault la cendre se tient comme attachee Mays quand il
est froid elle sesperd et sort avecq le vent ou quand
on retire lalheine a soy par le petit pertuis
Figure at left top margin
at left middle margin
Tu peulx bien
donner un peu
despesseur au
bout des tiges
qui soubstiennent
les foeuilles les
oignant legerement
par dessoubs de
beurre fondu
pource que les
foeuilles sont
grandes & poisent
et la tige
de plomb &
estain nauroit
pas assez de
force
at left bottom margin
Je serois dadvis
de mouler la
rose seule avecq
un peu de queue
pres de son bouton
& puys luy raporter
une plus longue
de letton estame
pource que la
rose espanouye
ha grand volume
& poisant
at bottom margin
@Mouille la rose deau de vye plustost que la mectre dans
le cercle dardille Noublye pas d’huiler le gect de cire
Et quand tu auras gecte ton sable destrempe soufle fort
iusques a ce quil commance a faire prise La rose est
bien venue Mays pource que le sable se trouve mesle parmy les
foeuilles fais long temps tremper ton ouvrage dans leau affin que
le secouant dans leau la terre sen aille