154v - - - - - Letton
Il est fort fantasque à gecter. Il veult estre
gecté fort chault. Et pour mieulx en venir à bout,
gecte dessus du sel armoniac pour l’esclarcir. Allie
le aussy d’un peu de cuivre rouge et comme tu vouldras,
gecter un peu d’estain pour le faire mieulx courre.
Il laisse tousjours une queue comme de verre fondu.
Il ne demande pas si long gect que les aultres.
Mouler
Il n’est que bon qu’il soict un peu amorty par dehors
& soict neantmoins rouge par dedans. Car quand
il sort du foeu, l’air & vehemente exhalation de
foeu, ne reçoit pas si bien le gect.
Gect d’argent
L’argent veult bien le gect longuet. À l’or n’importe.
L’argent en soubdant endure l’eau qu’on gecte dessus. Mays l’or saulteroit,
& veult que à ceste cause on jecte de la soubdure son sur la soubdure.
at left middle margin
Laisse bien refroidir le
moule aprés le gect, plustost
que l’ouvrir.
Renforcer les fleurs et
choses delicates
Pour fleurs & choses delicates & herbages, on n’use
poinct d’huile de froment, ains de beurre fondu, duquel
on donne une couche legere # au derriere des foeuilles de
fleur de roses & de la pensée, & aultres fleurs qui en
ont besoing. Mais on renforce les f petits pieds de mouche
& d’aultres petits animales d’huile de froment pour les
fortifier & faire soubstenir.
at left middle margin
avecq un petit pinceau
Fraises
Les foeuiles se moulent à part & puys se raportent
avecq souldure. Et pource que les fruict des fraisiers
se gecte massif, & que par ce moyen il est poisant et que
la queue d’estain qui est deliée ne les pourroit pas
soubstenir sans se rompre bien tost, on faict les queues
de fil de letton & puys on les soulde & raporte.