154v - - - - - Letton
Il est fort fantasque a gecter Il veult estre
gecte fort chault Et pour mieulx en venir a bout
gecte dessus du sel armoniac pour lesclarcir Allie
le aussy dun peu de cuivre rouge Et comme tu vouldras
gecter un peu destain pour le faire mieulx courre
Il laisse tousiours une queue comme de verre fondu
Il ne demande pas si long gect que les aultres
Mouler
Il nest que bon quil soict un peu amorty par dehors
& soict neantmoins rouge par dedans Car quand
il sort du foeu lair & vehemente exhalation de
foeu ne recoit pas si bien le gect
Gect dargent
@
Largent veult bien le gect longuet A lor nimporte
@ Largent en soubdant endure leau quon gecte dessus Mays lor saulteroit
& veult que a ceste cause on iecte de la soubdure son sur la soubdure
at left middle margin
Laisse bien refroidir le
moule apres le gect plustost
que louvrir
Renforcer les fleurs et
choses delicates
Pour fleurs & choses delicates & herbages on nuse
poinct dhuile de froment Ains de beurre fondu duquel
on donne une couche # legere au derriere des foeuilles de
fleur de roses & de la pensee & aultres fleurs qui en
ont besoing Mais on renforce les f petits pieds de mouche
& daultres petits animales dhuile de froment pour les
fortifier & faire soubstenir
at left middle margin
avecq un petit pinceau
fraises
Les foeuiles se moulent a part & puys se raportent
avecq souldure Et pourceque les fruict des fraisiers
se gecte massif & que par ce moyen il est poisant et que
la queue destain qui est deliee ne les pourroit pas
soubstenir sans se rompre bien tost on faict les queues
de fil de letton & puys on les soulde & raporte