154r - - - - - Lor nestre fixe
Lor en doreure sen va estant la piece recuite & tenue
a grand foeu mesmement sil y a du plomb Car le plomb
percera au foeu une piece dor pource quil tient fort de ☿
Couper plomb
A cause quil est gras & se grippe & attaque au costeau
ou ciseau mouille le & tu le coupperas comme verre
at left top margin
Quelque fois lor
& largent prenent
par certaine fumee
quelque couleur au
gect Mays cela nest poinct escaille & chappe
Ains ceste couleur sen va au blanchiment &
bullitoire
Adoulcir largent
Quand les orfevres qui travaillent de grosserie ont
forge leurs plats bien souvent il advient avecq leur perte
quil se creve & fend pour estre trop enaigry Pour
eviter cela gecte dedans quand il est bien fondu
du mortier sec compose de sable & bonne chaulx qui a
este en oeuvre & le pulverise & gecte le dedans
at left middle margin
@Les orfevres ne
travaillent point
dargent de real
qui ne soict allie
pource quil est
plombeus & en
forgeant il saigrist
Aulcuns souldent
pour petit ouvrage
& choses qui ne vont
quune fois au foeu
avecq quelque vieulx sol
& carolus recuit & battu
Touteffois si le sol
nest bien bon la
souldure mange
& y fault soulder
deulx fois & sy
trouve trop de cuivre
Aultres souldent
avecq moictie argent
& moictie cuivre
fin
Escaille de fer
Estant bien pulverise & subtiliee sur le mabre & meslee
avecq le sable susdict de noyau Et seche lentement sans
recuire endure plusieurs gects de plomb & destain Le cuivre
& letton @ y viennent bien Mays si elle nest fort subtiliee comme
le crocum elle va au fonds si le sable nest destrempe asses espes
Limaille des metaulx
Elle ne se font pas delle mesme si elle nest aydee de
quelque portion de metal semblable fondu pour
lassembler & mectre en bain Car elle est plus tost
bruslee que fondue La limaille destain et plomb
se font avecq du suif Celle dor avecq du salpestre
Celle dargent avecq du suin de verre