153v - - - - - [continued]
farine. Et pour l’aplatir ayes un petit baston de buys
bien rond & de mesme grosseur partout, qui aye aulx
deulx bouts un petit cercle plus eslevé que le reste pour
donner l’espesseur necessaire à la paste. Et puys
avecq ce roulleau aplatis la en sorte qu’elle soit assés
deliée & tanvre. Puys aplique la sur le cave de
ton moule, et presse dessus avecq du coston, & ta
figure s’imprimera en la paste, de relief d’un costé
& en cave de l’aultre. Ce faict, oingts avecq un
pinceau trempé dans un peu de beurre fondu la
partie de la paste qui est cave. Puys coupe le
surperflu de la paste qui surpasse le cave du
moule H. Oincts aussy d’huile d’olive ton moule,
comme aulx aultres tu as faict, mects le contour
d’ardille & gecte s ton second moule. Et tu auras
ta medaille aussy tanvre & creuse d’un costé que
tu vouldras. Tu peulx avoyr divers rolleaux
qui auront les bords plus eslevés les uns que les
aultres pour faire diverses espesseurs, ou te
servir de planches de plomb & cuivre de diverses
espesseur ou de carton, coupées avecq le rolleau.
Figure at left top margin
at left top margin
Si tu frottois
d’huile ta paste,
elle boiroit l’huile
& penetreroit jusques
au moule, auquel elle
s’attaqueroit. Mays
le beurre demeure
sur la superficie
de la paste & ne
s’emboit point.
Il ne fault point
pour ces revers
destremper ton
sable avecq eau
chaulde, car elle
feroit
fondre
le beurre. Figure
Essayer la bonté et force
d’un sable à recuire
Aprés qu’il ha faict prise, il se doibt trouver
doulx & aysé au couper, & non pas rude. Il s’essaye
mieulx en un grand moule & fantasque qu’en un
petit, car le grand demeure long temps au foeu
& le petit est bien tost recuit.
Adoulcir l’or
Quelquefois il y ha de l’or si sec qu’ile le ciment
ne antymoine ne le peuvent adoulcir. Mays le seul
verdet le rend doulx.