153v - - - - - [continued]
farine Et pour laplatir ayes un petit baston de buys
bien rond & de mesme grosseur par tout qui aye aulx
deulx bouts un petit cercle plus esleve que le reste pour
donner lespesseur necessaire a la paste Et puys
avecq ce roulleau aplatis la en sorte quelle soit asses
delie & tanvre Puys aplique la sur le cave de
ton moule Et presse dessus avecq du coston & ta
figure simprimera en la paste de relief dun coste
& en cave de laultre Ce faict oingts avecq un
pinceau trempe dans un peu de beurre fondu la
partie de la paste qui est cave Puys coupe le
surperflu de la paste qui surpasse le cave du
moule H Oincts aussy dhuile dolive ton moule
comme aulx aultres tu as faict Mects le contour
dardille & gecte s ton second moule Et tu auras
ta medaille aussy tanvre & creuse dun coste que
tu vouldras Tu peulx avoyr divers rolleaux
qui auront les bords plus esleves les uns que les
aultres pour faire diverses espesseurs Ou te
servir de planches de plomb & cuivre de diverses
espesseur ou de carton coupees avecq le rolleau
Figure at left top margin
at left top margin
Si tu frottois
dhuile ta paste
elle boiroit lhuile
& penetreroit jusques
au moule auquel elle
sattaqueroit Mays
le beurre demeure
sur la superficie
de la paste & ne
semboit point
Il ne fault point
pour ces revers
destremper ton
sable avecq eau
chaulde car elle
feroit
fondre
le beurre Figure
Essayer la bonte et force
dun sable a recuire
Apres quil ha faict prise il se doibt trouver
doulx & ayse au couper & non pas rude Il sessaye
mieulx en un grand moule & fantasque quen un
petit Car le grand demeure long temps au foeu
& le petit est bien tost recuit
Adoulcir lor
Quelque fois il y ha de lor si sec quile le ciment
ne antymoine ne le peuvent adoulcir Mays le seul
verdet le rend doulx