153r - - - - - Mouler en cave pour cachets
ou aultre
Esbauche premierement ta figure en cire sur un verre ou
ardoise unie Apres moule la avecq nostre sable susdit
l ayant premierement oincte legerement dhuile comme tu scais & puys
frottee deau de vye Ayant Et destrempant ton sable
deau chaulde Ayant le cave gecte le en plomb allie
en la forme que les aultres figures que tu fais bien
nettes Touteffois sil nest bien nettement du tout venu
repare le Et puys gecte de moule avecq de la cire sur le relief
de plomb & tu auras un cave fort net dans la cire
qui vient tresnet sur le plomb Apres dans le cave
de cire gecte ton sable destrempe qui te fera un
relief sur lequel tu gecteras ton cave dargent ou daultre
metal pour cachet Mays note quil ne fault pas faire
ton cave avecq cire fondue Ains seulement eschaufee
dans de leau chaulde ou pour mieulx dans de lurine
chaulde Ou bien si tu as un relief dor ou dargent ou
aultre metal bien faco net & repare Emprains dessus
ton cave de cire & puys dans iceluy gecte ton sable qui
viendra de relief sur lequel apres tu gecteras ton
cave pour cachet ou aultre ouvrage Tu pourrois
bien gecter un cave sur le principal de relief de metal
& mesme de plomb & estain qui ne fera point fondre le
principal sil est avecq un pinceau legerement oint de croye
broyee ou enfume de fumee de chandelle ou de glaire
doeuf sechee
at left top margin
@ Quand tu as
empraint ton
cachet en cire
Moule en noyau
ceste piece de
cire qui est cave
comme ton cachet &
ton noyau le
rendra moulé
semblable au
lemprainte &
au cachet
at left middle margin
Il fault que ta
cire soict meslee
de quelque
couleur qui naye
gueres de corps
affin que tu voyes
mieulx lemprainte
La fumee de lampe
ou noir a noircir
y est bon La
cire blanche
pour cet effect
est exc meilleure
Donner telle espesseur a une
medaille que tu vouldras
Ayant gecte ton premier moule mesle de crocum ou escaille
de fer fort broyee pour laffermir Et ayant faict
prise & rendu ton cave fort net Ayes de la pate de fine farine
[continued]