152r - - - - - Mouler un rat
La barbe de ses moustaches seroict malaisée à venir de gect,
tu les pourras doncq raire avecq du foeu comme dle tyran de Syracuse,
& aprés tu luy en pourras remectre d’arg de naturelles argentées.
La queue est belle moulée pource qu’elle est faicte à petits cercles
escaillés, presques comme celle d’un lesard; & afin que le poil
n’empesche de bien mouler, brusle au foeu d’une petite chandelle.
Le reste du corps se doibt oindre avecq huile de froment,
qui tiendra le poil roide & couché, si bien que le sable ne
l’enlevera poinct en s’i embrouillant pour empescher de venir net.
L’huile de froment estant sec, ce qui sera bien tost, tu pourras
passer un peigne fort delié sur le poil pour le diviser, affin
qu’il se monstre au gect. Sur une petite souris, tu peulx bien
mectre de l’huile commun pour baisser le poil. Et plustost
que mouler ses animaulx (excepté les serpents & lesards),
laisse les reposer demeurer morts un jour ou deulx pour
les avoir plus maniables. Car ilz se tiennent roides aprés
leur mort, & ne se peulvent bien acommoder à leur vray plant
qu’ilz ne soient un peu amollis. Touteffois si tu le moules
incontinent aprés qu’il est mort, ou luy donne son plant
plustost qu’il ne se roidisse, tu feras bien. Au Et pource que
les yeulx se meurent tu y en si tu ne le moules promptement, tu pourras
substituer dans les yeulx des moictiés de poix bien ronds,
desnués de leur peau & escorce. Aulcuns font muer le
rat, aultres l’oignent d’huile d’olif, qui est amiable, car
l’huile de froment est espés & ha trop de corps. C’est pourquoy
on n’en use gueres que pour donner quelque traict à un
pied de mouche ou soubs une aisle, pour les tenir roydes.
Aultres couchent le poiil avecq un jaune d’oeuf, qui est bien
tost sec & amiable. Plante le, plustost que l’huiler, sur la
plaste de ardille, et leve luy la teste avecq une pointe de
fer, & asseure luy aussy les pieds avecq des poinctes & la
queue. Frotte le d’eau de vye estant sec de l’huile. Puys
gecte ton sable, aprés descouvre le comme les aultres animaulx,
& fais le second gect. Il ne fault pas ouvrir le
moule qu’il ne soict recuit & le rat bruslé.
at left top margin
+ Le rat, pource qu’il
est espés, vient
mieulx estant
creux, s’il est grand
rat. Une souris
se moule mieulx,
pource qu’elle ha
le poil plus court.
Il n’est pas possible
de bien mouler
ung animal qui
ha les os grandelets,
comme un oiseau
ou rat, sans ouvrir
le moule pour le
bien nettoyer, car
les os ne se
calcinent poinct.
at left middle margin
Toute plume
& tout poil
est malaisé à mouler selon
le naturel.
at left middle margin
Le beurre pour
oindre l’animal
à poil est meilleure
que l’huile de fromant,
pource qu’il est plus
amiable.
at left bottom margin
Si le rat est grand,
il est bon de luy oster
les entrailles ou
l’ayant moulé
le faire seicher
au four, pource que
la grand humidité
qu’il ha vient
à bouillir dans
le moule & le
gaste & faict
grumeleux.
at left bottom margin
Ne mects ton moule au froid
qu’il ne soict bien refroidy lentement à sec.
Aultrement il emboit l’humidité, qui le faict
rompre.