152r - - - - - Mouler un rat
La barbe de ses moustaches seroict malaisee a venir de gect
tu les pourras doncq raire avecq du foeu comme dle tyran de Syracuse
& apres tu luy en pourras remectre darg de naturelles argentees
La queue est belle moulee pourcequelle est faicte a petits cercles
escailles presques comme celle dun lesard & afin que le poil
nempesche de bien mouler brusle au foeu dune petite chandelle
Le reste du corps se doibt oindre avecq huile de froment
qui tiendra le poil roide & couche si bien que le sable ne
lenlevera poinct en si embrouillant pour empescher de venir net
Lhuile de froment estant sec ce qui sera bien tost tu pourras
passer un peigne fort delie sur le poil pour le diviser affin
quil se monstre au gect Sur une petite souris tu peulx bien
mectre de lhuile commun pour baisser le poil Et plustost
que mouler ses animaulx (excepte les serpents & lesards)
laisse les reposer demeurer morts un jour ou deulx pour
les avoir plus maniables Car ilz se tiennent roides apres
leur mort & ne se peulvent bien acommoder a leur vray plant
quilz ne soient un peu amollis Touteffois si tu le moules
incontinent apres quil est mort ou luy donne son plant
plustost quil ne se roidisse tu feras bien Au Et pourceque
les yeulx se meurent tu y en si tu ne le moules promptement tu pourras
substituer dans les yeulx des moicties de poix bien ronds
desnues de leur peau & escorce Aulcuns font nier le
rat Aultres loignent dhuile dolif qui est amiable Car
lhuile de froment est espes & ha trop de corps Cest pourquoy
on nen use gueres que pour donner quelque traict a un
pied de mouche ou soubs un aisle pour les tenir roydes
Aultres couchent le pol avecq un iaune doeuf qui est bien
tost sec & amiable Plante le plustost que lhuiler sur la
plaste de ardille et leve luy la teste avecq une pointe de
fer & asseure luy aussy les pieds avecq des poinctes & la
queue Frotte le deau de vye estant sec de lhuile Puys
gecte ton sable apres descouvre le comme les aultres animaulx
& fais le second gect Il ne fault pas ouvrir le
moule quil ne soict recuit & le rat brusle
at left top margin
+ Le rat pourcequil
est espes vient
mieulx estant
creux sil est grand
rat une souris
se moule mieulx
pourcequelle ha
le poil plus court
Il nest pas possible
de bien mouler
ung animal qui
ha les os grandelets
comme un oiseau
ou ratsans ouvrir
le moule pour le
bien nettoyer Car
les os ne se
calcinent poinct
at left middle margin
Toute plume
& tout poil
est malaise
a mouler selon
le naturel
at left middle margin
Le beurre pour
oindre lanimal
a poil est meilleure
que lhuile de fromant
pourcequil est plus
amiable
at left bottom margin
Si le rat est grand
il est bon de luy oster
les entrailles ou
layant moule
le faire seicher
au four pourceque
la grand humidite
quil ha vient
a bouillir dans
le moule & le
gaste & faict
grumeleux
at left bottom margin
Ne mects ton
moule au froid
quil ne soict bien refroidy lentement a sec
Aultrement il emboit lhumidite qui le faict
rompre