151r - - - - - [continued]
la cire blanche dequoy tu as compose ta cire noire
soufree ha si peu de substance comme estant seiche et
purifiee quelle ne laisse rien dedans Et coule fort
doulcement Quand au charbon qui est mesle sil en demeure
il se brusle & reduict en cendre & se vuide apres en
souflant par le gect Tu pourrois bien ouvrir ton
moule apres que la cire est fondue sil ny ha quelque
chose fantasque qui se puisse rompre comme quelque piece
raportee ou semblables Apres avoyr couvert les crampons
du luth de ton sable & avoyr couvert tout le moule Donne
luy par dessus une couche de luth commun & puys saulpoudre
cela de brique pilee affin que tu le puisses mieulx manier
Laisse seicher lentement le luth plustost que luy donner
foeu qui fasse fondre la cire La cire estant sortie par le
gect ce qui en demeurera avecq le charbon se bruslera
Estant recuit la premiere fois luth le peu de nouveau
pour le recuire la seconde foys a cause que volontiers
le plastre nestant pas bon aura faict retirer le molle et
se trouvera aulx joinctures entrouvert qui pourra faire de
grosses baves Et pour la seconde fois il ne le fault
pas recuire si tu ne veulx gecter quen plomb ou estain ains
seulement faire que le luth soict bien sec & le moule
mediocrement chault Pour ces tortues qui ont grand volume
& asses despesseur Il est mieulx de mouler ault gecter ton
plomb laliage de moictie plomb & moictie estaim mesmement
en choses creuses Car si tu nas a gecter choses fort tanvres
& fort foibles comme fleurs fie toy plustost en labondance du
plomb que de lestaim qui soufle estant gecte un peu espes
& faict volontiers quelque default aupres du gect
Maistre Alexandre dict ne sestre jamays trompe avecq moictie
estaim & moictie plomb pour choses de poix & despesseur
du dos de costeau Sil y ha du crocum les joinctures ne
paressent gueres & par consequent les baves sont fort petites
& tanvres Tu peulx reparer & par le trou du ventre tirer
la terre du noyau le laissant long temps tremper
at left top margin
Quand tu as
gecte ta cire
noire dans le
moule & quand
elle sera bien
froide Il te la
fault ouvrir par
moictie ton moule
pour faire le
gect Et si la
figure de cire
noire se rompt
il ny ha point
de danger Car elle
se peult tousjours
radapter avecq
la poincte de fer
touchant chaulde
Ou bien si les
pieces ne sont
point separees
du moule Qu
elles se rencontrent
& se joignent comme
au paravant en
joignant & serrant
bien les deulx
moicties du
moule Quand
la figure est
grande il fault
croiser dedans
plus de fils de
fer pour soubstenir
le noyau Figure
at left bottom margin
A @
quen plomb ou
estain il fault
touteffois rougir
presque aultant le
moule comme sil y avoit
dedans quelque
animal a brusler
affin que la cire se fonde bien & ne laisse rien dedans & sescoule toute tenant le moule panche vers
le gect en le recuisant Et comme le moule sera recuit laisse le refroidir doulcement puys soufle dedans
et attire vers toy en supant affin que la cendre de la cire sorte fais cela avecq un souflet
[continued]