150v - - - - - Mouler creux
Ceste poincte de fil de fer, qui se mect ainsy bi par le trou,
est pour tenir mieulx le noyau & garder qu’il ne
varie. Tout cela estant dainsy disposé, couche ton
moule sur une table, le trou en hault, ainsy qu’il
est icy à costé marqué; & puys adapte un cercle d’ardille
molle aultr, de deulx doigts de haut aultour du trou,
comme aulx aultres moules. Et puys destrempe de ton sable
à mouler mediocrement espés, & le gecte par le trou
jusques à ce qu’il soict bien bien plain jusques à
la supperficie du cercle d’ardille. Mays advise de ne
gecter pars par le milieu du trou, ains par le costé,
car à cause que le moule desja faict boit & succe
l’humeur du nouveau, le nouveau que tu gectes qui,
est bien tost sec sur le bort du moule, estant bien tost
sec, s boucheroit le moule & n’acheveroit pas de s’emplir.
Et quand tu gectes au costé, si tu cognois qu’il se bouche,
tu y peulx faire voye. Ayant gecté, soufle sur le
f le gect destrempé, & mects quelques fois le bout
du doigt dans le trou, po ou quelque petite poincte
pour le destouper & faire que la cire creuse s’emplisse.
Gecte à la fin le sable destrempé un peu espés pour
donner force au moule, car l’eau venant à la
superficie s du molle la faict tousjours plus molle. Ayant
faict prise, rase le cercle d’ardille & l’eminence
qui est sur le trou par où tu as gecté le noyau,
& il ne s’y cognoistra rien. Quand ton moule est ainsy
præparé, luthe le tout aultour avec du mesme sable
qui ha servi aulx moules. Aprés fais le recuire
à foeu lent au commencement, & la gueule du gect en bas,
affin que la cire s’escoule doulcement. Car si tu luy
donnois grande chaleur jusques à ce que la cire
en soit sortie, elle bouilliroit là dedans & y laisseroit
quelques pustules & choses grumeleuses, combien que
at left top margin
Ceste poincte se mect au milieu & par le
trou du gect, quand
le moule est de plu—
sieurs pieces, comme d’une
tortue, et ce faict affin
que le noyau ne branle
point. Mays quand le
moule est de deulx pieces
seulement,
il n’est
point necessaire
d’y mectre
de poinctes
au milieu. Figure
Figure
at left top margin
Plustost que gecter le
noyau, fays des coches
tout aultour du trou par où
tu le vouldras gecter,
affin de tousjours mieulx
asseurer le moule.
at left top margin
Le suif meslé
est cause que en
vuidant la cire
le trou ne se
bouche poinct. @Il fault
moictié suif & moictié
cire noire.
at left middle margin
Toutes pieces fort
espesses viennent
mieulx en creux, pource que
une masse espesse,
de plomb principallement,>
demeure long temps
chaulde & mange le
moule.
at left bottom margin
Tu peulx, aprés le
gect faict, mouler
une la partie de la
coquille du ventre,
où tu as faict le
trou sur le naturel,
et le raporter avecq
souldure.
at left bottom margin
X Note qu’aprés que ton
noyau est gecté, il est
mieulx de mectre ton moule
dans l’eau chaulde pour l’ouvrir, affin d’oster le plus de cire que tu pourras, tousjours la
remollaissant dans l’eau chaulde. Car le moings de cire qu’il y pourra demeurer c’est le mieulx,
affin qu’en rebouillant dans le moule en grande quantité quand tu le recuits, il ne s’y face des
pustules ou grumeleures. Et puys, s’il n’y ha gueres de cire, il ne te le fauldra pas tant recuire.
En ouvrant le moule, le gect se rompra. Mays il se peult reparer aysement, encores que tu ne gectes. A
[continued]