150v - - - - - Mouler creux
Ceste poincte de fil de fer qui se mect ainsy bi par le trou
est pour tenir mieulx le noyau & garder quil ne
varie Tout cela estant dainsy dispose Couche ton
moule sur une table le trou en hault ainsy quil
est icy a coste marque & puys adapte un cercle dardille
molle aultr de deulx doigts de haut aultour du trou
comme aulx aultres moules Et puys destrempe de ton sable
a mouler mediocrement espes & le gecte par le trou
jusques a ce quil soict bien bien plain jusques a
la supperficie du cercle dardille Mays advise de ne
gecter pars par le milieu du trou Ains par le coste
Car a cause que le moule deija faict boit & succe
lhumeur du nouveau Le nouveau que tu gectes qui
est bientost sec sur le bort du moule estant bien tos
sec s boucheroit le moule & nacheveroit pas de semplir
Et quand tu gectes au coste si tu cognois quil se bouche
tu y peulx faire voye Ayant gecte soufle sur le
f le gect destrempe & mects quelques fois le bout
du doigt dans le trou po ou quelque petite poincte
pour le destouper & faire que la cire creuse semplisse
gecte a la fin le sable destrempe un peu espes pour
donner force au moule Car leau venant a la
superficie s du molle la faict tousjours plus molle Ayant
faict prise rase le cercle dardille & leminence
qui est sur le trou par ou tu as gecte le noyau
& il ne sy cognoistra rien Quand ton moule est ainsy
præpare luthe le tout aultour avec du mesme sable
qui ha servi aulx moules Apres fais le recuire
a foeu lent au commencement & la gueule du gect en bas
affin que la cire sescoule doulcement Car si tu luy
donnois grande chaleur jusques a ce que la cire
en soit sortie elle bouilliroit la dedans & y laisseroit
quelque pustules & choses grumeleuses combien que
at left top margin
Ceste poincte se mect au milieu & par le
trou du gect quand
le moule est de plu
sieurs pieces comme dune
tortue et ce faict affin
que le noyau ne branle
point Mays quand le
moule est de deulx pieces
seulement
il nest
point necessaire
dy mectre
de poinctes
au milieu Figure
Figure
at left top margin
Plustost que gecter le
noyau fays des coches
tout aultour du trou par ou
tu le vouldras gecter
affin de tousjours mieulx
asseurer le moule
at left top margin
Le suif mesle
est cause que en
vuidant la cire
le trou ne se
bouche poinct @il fault
moictie suif & moictie
cire noire
at left middle margin
Toutes pieces fort
espesses viennent
mieulx en creux pourceque
une masse espesse
de plomb principallement>
demeure long temps
chaulde & mange le
moule
at left bottom margin
Tu peulx apres le
gect faict mouler
une la partie de la
coquille du ventre
ou tu as faict le
trou sur le naturel
et le raporter avecq
souldure
at left bottom margin
X @ Note quapres que ton
noyau est gecte Il est
mieulx de mectre ton moule
dans leau chaulde pour louvrir affin doster le plus de cire que tu pourras Tousjours la
remollaissant dans leau chaulde Car le moings de cire quil y pourra demeurer cest le mieulx
Affin @ quen rebouillant dans le moule en grande quantite quand tu le recuits il ne sy face des
pustules ou grumeleures Et puys sil ny ha gueres de cire il ne te le fauldra pas tant recuire
En ouvrant le moule le gect se rompra Mays il se peult reparer aysement Encore que tu ne gectes A
[continued]