150r - - - - - Cire fort dure
Mesle avec icelle de la rousine et du bol et ne la gecte pas
gueres chaulde.
Ligues diverses destain et plomb
@
Pour choses creuses comme tortues moictie plomb fin et moitie
estaim
Pour fleurs presque tout estaim sçavoir une lb destain fin
et deux ℥ de plomb fin
Pour lesards qui sont espes dun doigt ou deux presque
tout plomb sçavoir une lb de plomb fin et 4 ℥ es destaim
fin
Moules
Ils sont moings subgects a se fendre en recuisant quand
ilz sont fort espes que quand ilz sont de peu despesseur
pourveu quelle soict suffisante Car estant tanvres ilz nont
pas besoing destre gueres recui au foeu & la longueur du
foeu les fait corrompre Mesmement quand le plastre
nest pas fort
Il est mieulx de recuire un moule seul que plusieurs
ensemble pourcequil y fault plus grand & violent foeu
que pour un Et lentredeulx des moules reserrant du
charbon allume se reverberent lun lautre de telle sorte
que plus souvant tu trouveras tes moules creves & fendus
de ce coste que dun aultre
Recuits donc tes moules seul ny faisant foeu
sinon pour le couvrir
Et pourceque ton plomb et estain saigrissent en les fondant
souvent rouges pour ladoulcir fonds le sans le rougir
et gecte en verge
La brique refroidist le metal & si ce nestoit pour
donner liaison elle ne seroit point necessaire
at left middle margin
Les moules recuits ne peuvent soubstenir
plusieurs gects Mays ceulx dans lesquels
on ne veult gecter que plomb ou estain et
ou medailles plattes nestant que seches
en soubstiennent
beaucoup
at left middle margin
Lescaille
de fer fort
subtillement
broyee
les rend
bien fermes
& forts