149v - - - - - Mouler vases de plusieurs pieces
Les orfevres qui travaillent de grosserie et vaisselle
font tourner au tour telle forme de bois qu’il leur
plaist. Et puys, avecq de la cire esbauchent dessus
masques, festons, et ce qu’il leur plaise. Et le moulent
aprés, à trois, à quattres, ou plusieurs pieces.
Souldure d’or
Il prenent sur un denier d’or un grain d’aloé fin
comme sont les vieulx douzains.
Mouler une mousche
Les grosses mouches se peuvent mouler & gfayre
de gect. Mays il fault par d oindre le dessoubs
des aisles avecq de l’huile de froment, qui est bien
tost sec et les affermist & leur donne un peu d’espesseur.
Le mesme se faict aulx papillons, cygales, saulterelles,
& semblables. Mays pour les gecter plus facillement,
on les adapte sur quelque foeille ou bouquet.
Les aultres les font à la main de lame d’argent
fort tanvre. Il ne les fault pas garder estant mortes,
pource qu’elle se seichent et les jambes se rompent.
at left middle margin
L’huile de froment
se mect au dessoubs
des choses delicates pour les rendre plus
roides & fermes &
pour leur faire tenir
leur plant naturel.
Pource qu’estant
foibles & delicates,
le sable destrempé
s’apoisentissant dessus,
leur changeroit
leur forme.
Chauve souris
Elles ont les aisles fort tanvres, & si elles sont
grandes & seiches et les aisles estendues, il
fauldroit un fort grand moule & ne seroit pas
certain que le metal courust tant. Ainsy quand
tu en vouldras mouler, choisis des mediocres
& fais le plan qu en sorte quelles ayent les aisles
a demy repliées. Pource que en ceste sorte elles
viendront mieulx, mays munis le bort des aisles
de cire comme tu sçais, pour bien abreuver le gect