148v - - - - - Mouler tortues
Apres rassemble les parties de ton moule et
cramponne curieusement toutes les ioinctures tant
de dessus & dessoubs que par les costes Nayant
pas oublye dencocher les ioinctures des moules comme
aulx aultres Ayant crampone le tout Deffais
les crampons des costes & non les aultres Et ainsy
ton moule de plusieurs pieces sem souvrira comme
sil estoit seulement de deulx moities Si tu veulx
mouler creux fais au milieu de la partie du moule
du ventre un trou de part en part qui au dedans
soict de telle capacite que le bout du petit doigt y
puisse presque entrer Eslargissant comme en clervoise le
dehors du trou Cest pour iecter le noyau Or
note que toutes ses difficultes ne seroient poinct si tu
ne voulois mouler creux pourceque tu pourrois
mouler la tortue de deulx pieces et la brusler
dedans comme les aultres animaux Et seroit bien plus
tost fait Mays comme la tortue est massive & quelle
se trouveroit pesante sans estre creuse On lestime
mieulx moulee de ceste sorte creuse Et en cha ceste facon
pour faire bien un moule il fault bien trois
iours Advise en moules creux & fantasques davoir
du plastre fort qui endure le foeu sans se crever sil est
possible Mays si tu nen peulx avoir de tel Mesle un
peu plus dalum de plume & adiouste y aussy du crocum
qui le fortifie & faict que les baves sil en y a viennent
si subtiles quelles sont aysees a deffaire Noublie pas
aussy de bien serrer avecq une presse tes moules pour
obvier aulx baves qui se font ou quand le moule nest
pas bien ioinct ou quand il est creve Pour reparer
si les traicts ne sont asses aparents ressuicts les legerement
avecq un burin puys les adoulcis avecq le ciselet Les
baves sostent avecq le chaple forme de burin Pour les
grumeleures & escailles celle se font ou avecq une petite
gouge ou petites portes pieces rondes Ou avecq la poincte dun
ciselet non trampe & frappe sur une petite lime
at left top margin
Fais ce trou
plustost que
mouler reioindre
tes moules