147v - - - - - + Gect de cuivre allié de ☾
qui est comme soubdure fort basse / ardes
et vieulx K et quelque Rosette sur xii
J’en ay gecté le plus net que j’ay veu en fort petites figures
& tanvre comme papier. J’ay gecté fort chault dans le moule
tout rouge, et ay mis dans la matiere fondue des ceste
deulx matieres compositions qui font courre l’argent, & ay
faict comme si j’eusse vouleu gecter argent pur. Ceste ligue est
blanche au bullitoire comme tout alliage qui tient tant soict
peu de ☾. Pour gecter quelque chose delicat, use de ceste cy.
Luth
Il n’en y a poinct de meilleur que celuy qui ha duquel
tu as moulé, sçavoir des lopins de tes moules. Mays il fault choisir des mieulx recuits.
Crusol
Prens garde qu’il soict trois doigts de fe la bouche
du souflet, & que ledict souflet batte dessusoubs le cul du
crusol, aultrement il le refroidiroit.
Gect de letton
J’ay prins de celuy de poilonnes de letton qui sont battues
& forgées tanvres. I L’ayant bien chaufé, je y ay gecté
deulx ou trois grains comme pois de sel armoniac. Cela
l’a esclarcy comme un mirouer. Estant fort blanc de force
d’estre chault, j’y ay gecté de la calamine crue & pure
pulverisée. Je l’ay gecté en son moule tout rouge. Il est
venu fort net & tanvre comme papier, & creux par le revers.
Mays pource qu’il avoit chappé, je l’ay recuit, c’est
à dire rougy, l’ay laissé refroidir, puys l’ay mis au
blanchiment, d’une partye de tartre crud & de la moictié
de sel commun. Ayant bien bouilly, je l’ay grattebroissé
en eau clere. Et pource que la premiere foys il n’estoit
at left bottom margin
Ne le laisse
pas froidir en
fondant. Il faict
tousjours une
queue comme verre
fondu à cause
de la calamine.
Communement, le letton
doulx de poelonne
vient rouge du gect
mesmement quand il
est long temps au
foeu, m pource que la calamine s’exhale.
Mays le letton aigre de chandelier vient jaulne & la limaille d’espingle.
[continued]