147r - - - - - [continued]
Advise bien de fayre un bort de cire fondue avecq le fer
chault tout aultour du bort de la coquille haulte qui est vers
la queue, affin de fayre mieulx le gect. Et faicts que deulx
petits cordons de la mesme cire r respondent du bout de la
coquille du ventre audict bort de cire qui est aultour de la coquille
de l’eschine, et que la tortue de queue de la tortue demeure entre
ces deulx cordons. C’est pour faire le gect mieulx. Cela
faict, huile ton moule et ce qui paroistra de la coquille. Mects
le cercle aultour & gecte avecq eau chaulde comme devant, y
observant ce que tu as observé. Fays de mesme pour mouler
la troisiesme partye, qui est la queue. Et ayant faict prise,
Tu Despouille ton moule Oste le contour d’ardille, nettoye
ton moule, & unis le & l’aplanis de tous costés avecq un
costeau comme les aultres molles. Trempe le dans l’eau
legerement, puys essaye de le despouiller. Communement on
Commance ment par lea dos coquille du dos c’est, c’est à dire
le molle de dessus, qui est de deulx moictiés, et cestuy là
est plus facile à despouiller. L’aultre suict aprés, mays
à cause qu’il est voisin des espaules de la tortue, qui sont
profondement enfoncées, il est quelque fois malaisé.
Par ainsy, en crollant & tirant le molle doulcement, advise
de tiré celuy qui se presentera le plus facille, car il les
fault despouiller l’un apres l’aultre. Le plus malaisé
de tous est celuy qui moule lea de gorge, le dessoubs des
pattes & ces creuses espaulieres, qui sont de si mauvaise
despouille que si tu n’y pourvois, remplissant de cire
plustost que mouler ce qui ne sera point en despouille,
il sera malaisé que tu en retires tes pieces sans rompre
quelque chose. Mays si cela t’advient, encores y a il
remede, pourveu que tu gardes pi bien les pieces rompues.
Car tu les peulx rassembler avecq des poinctes de fer assés
fortettes & remplir la fente ou default qui y pourra estre
avecq cire fondue & le fer chault, comme des aultres, affin que
le noyau pour mouler creulx se fasse mieulx. Aprés
Va au second foeillet
at left bottom margin
Pour eviter
de rompre en
despouillant,
advise de bien
descouvrir
jusques à ce
qui peult tenir.